MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/

Все материалы

Вторник, 08 Октябрь 2019

Шкетан театр 100-ше тургымым «Ачийжат-авийжат» спектакль дене почо.

Рейтинг:   / 0

 Шкетан театр 100-ше тургымжым почо.

 acni-avi

 Мыламат пиал логале юбилей ийыште Шкетан театрыште у тургым почмаште лияш. «Пиал логале» манам да, но пиалжым вет шкаланна шке кондена. Мыят лач ик кече ондак поро администор йолташем деке пӱтыральым да театрыште мийынем маньым. Муаш тыршена мане. Тыге кок билетым налын, пелашем дене пырля, ончаш мийышна.

 Тыгеже тиде спектакльжым онченам ыле. Но палыме шамыч дене вашлияш, ик шонышан-влакым ужаш эре пиал. Спектакльжат эше чапле, декорацийым ӧрыктырышын кучылтмаш, модшо-влакат кертыт манын паленам. Мийымемлан шым ӧкыне.

 Спектакльым вес шинча ончалтыш дене ончальым. Пьесысе сӱрет тачысе илышланна лач толеш. Мый кызытсе жапыште лач тыгай пӧръен –шамычым (модмо образысе гайым) ужам. Олег Кузьминыхын модмыжо ӱшандара да Савлийын образше сырыктара. Ужат, пӧръеҥ нимом ыштен ок керт да ӱдырамашын ойжо дене келша, шке вуйжо дене ок шоно. Да чынжым гын шонымыжат ок шу. Тыге илаш куштылго. Проблеме шке семын пыта манын шона. Но… Илышыште содыки вуй улат гын шоныман да проблемым решатлыман. А ӱдырамашын, аван, Матран образшым Антонида Антонова могай сайын ончыктен пуа. Тудо шке шонымашыжым шукташ манын ӱдыржым илышыжым пужа, еш илышым шалаташ полша.

 Но спектакль жапыште чонышто йодыш, тургыжланымаш, ала-мо ок келше манын шонымаш шочын ыле. Тиде шонымаш кум кече кошто да вуйыштем рашемдалте. Спектаклым иктаж 10 ий ондакак онченам. Тунам мыйым тиде спектакль вургыжтарен. Шинча ончылнем тачат Артем Асмаевын (Осып) да Роман Алексеевын (Мачук) модмышт. А таче спектакль «шоҥгемын». Артист-влак ийготым погеныт. Мый нуным кажныштым пеш сайын палем.Ийготышт дене 42–45 ияш улыт. А нуно 18 гыч 25 ияш-шамычым модыт. Сандене каласыман тичмашнек модмыштлан шым ӱшане. Кеч модмышт ӱшандарыше. Ала тудым самырыкешташ? Тиде мыйын шонкалымаш. Но миен толаш спектакльышке чылаланат тыланем. Шонкалаш да шоналташ таратыше тат-влак ятырак улыт.

acni-avi 1

 

 acni-avi 2

Подробнее

Четверг, 30 Май 2019

2019 ий. Марий-влак пайремлашке погынат.

Рейтинг:   / 0

2019 ий. Марий-влак пайремлашке погынат.

 
МАРИЙ ВУРГЕМым темлыше «САЙВЕР» ателье тыгак ИП Карпов деч марий диск, СУВЕНИР, книга
да ФУТБОЛКО-влакым тыланда намият. ВУЧЫЗА!
 
  • ! 1 июнь – СЕМЫК Татарстан Муслюмовский район Мари-Буляр ял.
  • 8 июнь – ПЕЛЕДЫШ ПАЙРЕМ Киров область Мари Ошаево села
  • 8 июнь — СЕМЫК Удмуртий — Сарапул район Соколовка ял
  • ! 8 июнь – АГАПАЙРЕМ Свердловский область Сарсаде
  • 8 июнь – САБАНТУЙ Башкирий Калтаса села
  • ! 15 июнь – САБАНТУЙ Башкирий Мишкан села
  • ! — тыште лийына.
 
Подробнее

Среда, 07 Ноябрь 2018

Пиал дек кайме корно але…

Рейтинг:   / 0

Пиал дек кайме корно але…

Кажне марий еҥ тиде мут-влакым  колын  умбакыже шомакым вигак шарналта.шарналты гына огыл, мураш тӱҥалеш. Но кунам йодат, кӧн мутшо да семже. Калыкын дыр маныт але палыдыме авторын. Тыгеракак пытартыш лекше сборниклаште кая. Но мый паша дене муро-шамычым кычалме годым тыгай палдарымашым муын луктынам. «Шергылт муро» сборник1961 ий. Книгам лукмо издательстве.Мурыжо маналтеш «Мый тыйым вучен омыл». Мутшо Семен Вишневскийын музыкыжо Иван Молотовын.

Подробнее

Четверг, 29 Март 2018

«Йӧра кеч уло уло гармонем»

Рейтинг:   / 0

«Йӧра кеч уло уло гармонем» гармонем концерт проект тиде кечылаште ик ужашын коштын мучашлыш. Ӱарня тылзан шуко вере миен толна.  2 мартыште Куженерыште лийна,

4 мартыште  Киров область УРЖУМ олаште да Кугу Ройышто  тыгак Мари-Турек район Арбор кундемышке пурышна

 11 мартыште Советский поселкышто

16 март Мари-Турекыште да 25 мартыште кечывалым

Подробнее

Четверг, 08 Февраль 2018

Газетыште «вашталтыш»… 1938 ий июнь тылзе

Рейтинг:   / 0

Пытартыш жапыште  у орфографий шотышто чот кугу ӱчашымаш, вурседылмаш кая. Но  кӧ кызыт 1938 ийым шарналта. Икымше июньышто ик семын возеныт гын, кокымшо июньышто чылт вес семын.

Шонем тиде возымашым вашталташлан ондак  Сергей Чавайным, Олык Ипайым да моло поэт, писатель, журналист-влакым лӱен пушташ але тюрьмаш шындаш кӱлын.

Подробнее

Понедельник, 05 Февраль 2018

15 ийлан 3000 спектакль. Тыге Йошкар-Олаште курчак театр пашам ышта.

Рейтинг:   / 0

Курчак театрыште пашам ыштыме годым, мыняр спектакльым модынна манын йодыш лекте. Бухгалтерийын отчётшым ончалын 15 ийлан тыгайрак статистикым ыштышым. 3096 спектакль да у ий жапыште эртарыме интермедийым театр ончыктен. Палемдыман тунам и кызытат театрыште кок труппо  пашам ышта.

Подробнее

Воскресенье, 28 Январь 2018

«Эй, гармоньчо куштымо семым!» 2018

Рейтинг:   / 0

2018 ий 5 январьыште  Ленин лӱмеш тӱвыра полат залыште тич погынышо калык дене гӱжлыш. . «Эй, гармоньчо куштымо семым!»  концерт программе  эртыш

Кидым кидын шонем ноенат пытышт. Вет кажне коллектив шке мастарлыкше дене пеш тале ыле.

Теве изирак фоторепортажым ончалаш темлем

Подробнее

Пятница, 22 Декабрь 2017

2018 ий 5 январьыште «Эй, гармоньчо куштымо семым!» концерт программе Ленин лӱмепш тӱвыра полатыште эрта.

Рейтинг:   / 0

«МАРИ-РЕКОРДС» продюсер рӱдер у палдарымашым, у вашлиймашым эре ышташ тырша. 5 январьыште Ленин лӱмеш тӱвыра полтыште тӱрло кундемла гыч ансамбль-влак да мурызо-шамыч выступатлаш тӱҥалыт. Те Татарстан республике Агрыз район Буймо гыч «Йоҥгалт гармонь йӱк» гармоньчо-ансамбльым,  Киров область Уржум гыч «Вӱтла вел сем» ансамбльым;  Звенигово район Красногорский гыч «Мурэҥер» ансамбльым;  Параньга район гыч «Эльпанур кундем» ансамбльым, Морко гыч «Рвезылык» куштышо ансамбльым, Волжский район  гыч «Шайра» ансамбльым,  тыгак профессионал артист-влакым, гармоньчо –шамычым тиде кастене  ужаш йӧн лиеш.

Подробнее

Понедельник, 11 Декабрь 2017

Андрианов Андрей Андрианович

Рейтинг:   / 0
  • Марий АССР-ын калык артистше (1989), 
  • Марий Эл Кугыжаныш премийын лауреатше (2005), 
  • Йыван Кырла лÿмеш театральный премийын лауреатше (2006)

(24.4.1939, Кульчубай села   (с.Старокульчубаево) Мишкан р-н БАССР — 16.4.2010, Марий Эл, Йошкар-Ола),

Андрей Андрианов драматический театрын артистше лийын. Туге гынат мурымыжо ий мучко да ий еда Марий радио дене йоҥгалтеш. Санденак тудым калык коклаште мурызо семын кумдан палат. Тудын гай йӱкым учёный-влак литературышто баритон маныт. Мурашыжат тудо профессиональный мурызо гаяк мура. Тидлан єрман огыл. Шке жапыштыже кок ий лачак тиде пашалан музыкальный училищыште тунемын да профессионально мураш ситышын шуаралт лектын.

Андрей Андрианович 1939-ше ийыште 24-ше апрельыште Пошкырт кундемын Мишкан районысо Кульчубай ялыште шочын. Тӱҥалтыш школым шочмо ялыштыже тунем пытарен. Шымияш школым Тымбайыште, а кыдалаш школым Чорайыште тунем лектын.

Подробнее

Вторник, 21 Ноябрь 2017

Ӧлӧҥгӧ он – 2017.

Рейтинг:   / 0

 Ӧлӧҥгӧ он лӱм дене Марий Эл радишто  конкурс эртыш. Тиде муткылдышым  икымше гана колмеке да лудын лекмеке ик йодыш лектеш. Мо тиде тыгай?

Радиошто калыкым куандараш манын тӱрлӧ конкурс-влакым эртарена. Кажне рушарнян «Мыскара йӧрвар» мыскара сынан программе кая. У шӱлыш пурташ, у каласкалыше-влакым муаш да колыштшо-влаклан радио дене пырля лияш кумылышт лийже  манын эре ала-мом гынат уым кычалына.

 Ала-кузе книга-влакым шергал шинчыме татыште Виталий Дмитриев-Озийын                          мыскара книгаже кидыш логале да вуйлымаште оҥай мут  перныш.  Ӧлӧҥгӧ (анекдот).

Подробнее