1Рейтинг:   / 3
ПлохоОтлично 

«МАРИ-РЕКОРДС» продюсер рӱдер у палдарымашым, у вашлиймашым эре ышташ тырша. 5 январьыште Ленин лӱмеш тӱвыра полтыште тӱрло кундемла гыч ансамбль-влак да мурызо-шамыч выступатлаш тӱҥалыт. Те Татарстан республике Агрыз район Буймо гыч «Йоҥгалт гармонь йӱк» гармоньчо-ансамбльым,  Киров область Уржум гыч «Вӱтла вел сем» ансамбльым;  Звенигово район Красногорский гыч «Мурэҥер» ансамбльым;  Параньга район гыч «Эльпанур кундем» ансамбльым, Морко гыч «Рвезылык» куштышо ансамбльым, Волжский район  гыч «Шайра» ансамбльым,  тыгак профессионал артист-влакым, гармоньчо –шамычым тиде кастене  ужаш йӧн лиеш.

Каласыман, Татарстан кундем гыч да Киров вел гыч ансамбль-влак эше Марий Элыште ик ганат лийын огытыл, но шке кундемыштышт пагалымашым суленыт. Агрыз район Буймо селаште шочшо «Йонгалт гармонь йӱк» ансамбль шке кундемыште гына огыл мастарлыкшым ончыктен.  Пошкырт велне эртыште «Ший кандыра» фестивальште, «Семык» пайремлаште калыкым куандарен.

«Вӱтла вел сем» ансамбль шукерте огыл гына шочын. «Сай мотор Уржум» фестивальыште жюри член-влакым шке масталыкышт дене пеш чот сымыстарен кертыныт. Л. Сидоркина, А. Зарецких  нунын нерген кугешнен ойлышт. Сеҥыше радамыште лийыныт.

Звенигово район гыч  «Мурэҥер» Нина Зоринан вуйлатымыж дене тӱрлӧ веле  лийын шуктеныт.

Параньга район «Эльпанур кундем» ансамбльят пеш чот чолга.  Шке вуйлатышыж гаяк веле манме шуеш. Светлана Автономова (Горохова)тышке  вич ий ондак марлан толын. Клубышко пашаш пурен, ансамбльым поген.  Шкенжым Светланам   фольк-шоу концерт дискыштак ончен кертыда. 

Юлсер кундем гыч «Шайра» ансамбль калыклан  пеш сай палыме. Но тиде гана нуно йоча-влак дене сценышке лектыт.  Ӱшаныза, ӧрыктарат.

Морко гыч «Рвезылык» куштышо ансамбль Марий Элыште гына огыл, а Россий кумдыкыштат палыме. Тӱрлӧ вере эртарыме фестиваль конкурслаште сеҥыше лий ын. Валерий Якушевын шочыктымо да уке лийме деч вара,  ансамбльыште кызыт Саша эргыже пеш чотсайын вуйлатыме  сомылым шукта.

Вӱдаш Звенигово вел гыч Светлана Гаврилова да  Марий Эл радион вӱдышыжӧ Сергей Карпов тӱҥалыт

Палемден  кодынем 5 январьыште сценыште  нине ансамбль-влак гына огыл, а мурызо-влакат лийыт. Ленин лӱмеш тӱвыра полатышке 15 шагатлан вучена. Концерт деч вара фойеште кушталташ йӧн лиеш.

Толза, ончыза, аклыза