1Рейтинг:   / 0
ПлохоОтлично 
  • Марий АССР-ын калык артистше (1989), 
  • Марий Эл Кугыжаныш премийын лауреатше (2005), 
  • Йыван Кырла лÿмеш театральный премийын лауреатше (2006)

(24.4.1939, Кульчубай села   (с.Старокульчубаево) Мишкан р-н БАССР — 16.4.2010, Марий Эл, Йошкар-Ола),

Андрей Андрианов драматический театрын артистше лийын. Туге гынат мурымыжо ий мучко да ий еда Марий радио дене йоҥгалтеш. Санденак тудым калык коклаште мурызо семын кумдан палат. Тудын гай йӱкым учёный-влак литературышто баритон маныт. Мурашыжат тудо профессиональный мурызо гаяк мура. Тидлан єрман огыл. Шке жапыштыже кок ий лачак тиде пашалан музыкальный училищыште тунемын да профессионально мураш ситышын шуаралт лектын.

Андрей Андрианович 1939-ше ийыште 24-ше апрельыште Пошкырт кундемын Мишкан районысо Кульчубай ялыште шочын. Тӱҥалтыш школым шочмо ялыштыже тунем пытарен. Шымияш школым Тымбайыште, а кыдалаш школым Чорайыште тунем лектын.

Кыдалаш школым тунем пытарымеке, Йошкар-Олашке толеш. Тыште музыкальный училищын вокальный отделенийышкыже тунемаш пура. Училищыште Андрейым консерваторийым тунем пытарыше мурызо Леонид Краснов туныктен. Кокымшо курсым тунем пытарымеке, Москосо театральный институтыш тунемаш кая.

Институтым тунем пытарыме деч вара, 1965-ше ий гыч 1999-ше ий марте М. Шкетан лӱмеш Марий кугыжаныш театрыште, 1999-ше ий гыч Марий самырык театрыште модеш, тыгодымак тӱвыра да сымыктыш колледжыште туныктышылан ышта.

Артист лиймеке, спектакльыште модмо дене гына огеш серлаге, мурымо сомылымат чулымын шуктен толеш: тӱрлӧ концертлаште мура, Тыге Евгений Волковын «Кӧ гын тиде ӱдыр?», «Покто веле корно сай», Ион Кузьминын «Колызо», «Муро мыскарам мурем», Виктор газетовын «Гармонист», «Эртем Марий Йошкар-Олаште» возымо муро-влакым сылнын сценылаште мурен.

Андрей Андриановын тӱвыргӧ лектышан пашажым кӱкшын аклен, 1973-шо ийыште Марий АССР-ын сулло артистше, 1989-ше ийыште Марий АССР-ын калык артистше чап лӱмым пуымо, да 2005-ше ийыште Марий Эл кугыжаныш премийын лауреатше лӱмым сулен налын.

 

Тыште тыгак эше кумдарак материалым  муын кертыда:

shketan.ru     сайтыште.   https://shketan.ru/mari/theatrepeople/veteran/140-andrianov