MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/

Все материалы

Понедельник, 14 Март 2022

СЕРГЕЙ ЗАЙНИТДИНОВ. Гармоньчо (баянист), мурызо, аранжировщик

Рейтинг:   / 0

СЕРГЕЙ ЗАЙНИТДИНОВ. Гармоньчо (баянист), мурызо, аранжировщик. Автобиографий

zainitdinov 3Мый, Зайнитдинов Сергей Николаевич 1975 ий 11 июнь Пошкырт кундем Краснокамский район Йывангасола (Никольское) ялеш шочынам. Ешыште кудымшо йоча лийынам. Вич акам да ик шӱжарем уло.

1982 – 1990 ий Йывангасола пеле кыдалаш школышто тунемынам.

Изи годсек гармонь семым йӧратем. Ачам ойлен, мыйын кочам моткоч устан скрипкым шоктен, скрипкыжымат шкеак ышта улмаш. Кок изам – влак Юра дене Саша уста гармоньчо улыт. Нунын гармоньым шоктымышт годым мый изи йоча эре воктенышт лияш тыршенам. Нуным ончен, мыят кугемам да тыгаяк гармонист лиям манын шоненам. Авам ойлен, кленча – влакыш вӱдым темен, совла дене перкален семым луктынам. Тидым ужын ачам кандаш ияшем годым, икияш пашадарже дене (13 зарплата) мылам баяным налын пуен. Ачам эн шерге гармоньжо, эн сай манын шонен. Тиде баян дене  ондак акам – влак шокташ тунемыныт, почешышт мый шупшкедылнам. Акам – влак кызытат воштылыт. Молан? Шоктымем годым баян шеҥгеч вуем изиш гына коеш улмаш. Ик жап гыч мыят икмыняр мурым шокташ тунемынам. Акам-влак сурт сомылым ыштымышт годым мыйым гармонь шокташ йодыныт, шкешт муреныт. Нуным колыштын мый шуко у муро – влакым шокташ тунемынам. Мыйын ачам дене авам, акам — влак мураш-кушташ моткоч йӧратеныт. Садлан кызытат пырля лиймына годым, руш манмыла, ансамбль песни и пляски гай улына.

1990 – 1992 ий Музяк кыдалаш школышто тунемынам. Школым пытарымек 1992 ий декабрь тылзыште Йывангасола тӱвыра пӧртышко художественный руководительлан пашам ышташ тӱҥальым.

2004 – 2011 ий Нефтекамск кугыжаныш филармонийыште  — эстрадно-инструментального ансамбльыште артист лийын ыштенам.

2011 ий гыч угыч шочмо ялышкем толынам. Йывангасола тӱвыра пӧртышто художественный руководительлан ышташ тӱҥальым.

Школышто тунемме годымак тӱрлӧ конкурс, концерт – влаклаште участвоватленам. Утларакшым гармоньчо семын. Шке ялыште концерт – влак годым веле изиш муренам. Кугу сценыш мураш лекташ ӧрынам.

2004 ийыште Пошкырт кундем, Мишкан селаште «Яндар йӱк» муро фестиваль эртен. Тушто икымше гана кугу сценыш мураш лектынам. Тиде фестиваль мылам кумдан корным почын. Тидын деч вара «Камские напевы», 2006 ий — «Яндар йӱк», 2007 ий — «Ший памаш», «Играй гармонь» да моло тӱрлӧ конкурс-влакыште участвоватленам.  Шуко тӱрлӧ диплом, таумут кагаз (благодарственные письма) дене палемденыт. 2014 ийыште Сергей Григорьевич Чавайн лӱмеш медальым пуеныт.

Кызыт баян, гармонь, тальянка, шиялтыш да еще икмыняр инструмент дене шоктем.

2008 ийыште «Канде кава» группышко Сергей Байназов ӱжын. Тушто мый баянист, мурызо да аранжировшик семын улам.

Шуко вере концертыште пырля лийынна. Татарстан, Марий Эл, Удмуртий, Пермь, Свердловск, Йӱдвел кундемлаште, Санкт – Петербург, Москва да еще тӱрлӧ олалаште выступатленна. 2010 ийыште Эстонийыш миенна. Таллин, Тарту да Нарвы ола-влакыште концертым пуенна.

Илем шочмо-кушмо верыштемак, Йывангасола (Никольское) ялыште. Пелашем, Клара Михайловна, дене кок эргым, Игорь ден Максимым да ик ӱдырым, Еленам, ончен куштенна.

zainitdinov 5.

Подробнее

Четверг, 24 Февраль 2022

Эльвира Краснова. Мурызо. Семмастар да автор. Биографий

Рейтинг:   / 0

Краснова (Якушева) Эльвира Васильевна (26.02.1968–30.10.2021)

  krasnovaКраснова Эльвира Васильевна Провой кундем, Николаевский ялыште 26 февраль 1968 ийыште шочын.

 Тудын ачаже Якушев Василий Павлович милицийын уста вуйлатыше лийын, садлан кӧра шке ешыжым поген Звенигово олаш илаш куснен. Аваже Елизавета Андреевна ӱмыр мучко «Ветеран труда» мартек заводышто пашам ыштен.

         1975–1982 ийыште Эльвира Звенигово 2-шо номеран школышто шинчымашым поген. Изинекак -  чылаже кандаш ий хорышто солист лийын. Тиде хор кажне пайремлан верысе тӱвыра пӧртыштӧ выступатлен. А Эльвиралан мургорнышко шогалаш музыка дене туныктышо Дарья Евграфовна Александрова полшен. Тудо шкенжын кӧргӧ тулжо дене самырык  чоным ылыжтен. Тыге икымше классыште аваж деч шыпак музыкальный школыш аккордион классыш Добров Владимир Ильич деке тунемаш коштын. Но кок тылзе деч аваже чыла пален налеш да «Тыгай изи улат, аккордион гоч отат кой» манын ӱдыржым наҥгая.

         Школым пытарымеке 1982 ийыште Йошкар-Оласе медицина училищышке тунемаш пура.

1984 ийыште кугу комиссийым эртымеке «Марий Памаш» ансамбльышке логалеш. Но тораште илыме верлан кӧра ансамбль дене ик жаплан чеверласен. Тушко угыч 1995 ийыште пӧртылын.

         1987 ийыште пошкудо Памаштӱр ялыш марлан лектын. Афган сарым эртыше Анатолий пелашыжын ӱмыржӧ кӱчык лийын. 11 ий пырля илыме жапыште Дима эргым да Ирина ӱдырым ончен куштеныт.

         Илыш тӧрсор гынат, ӱмыр мучко медицина пашажым кудалтен огыл: хирургий отделенийыштат, школыштат, амбулаторийыштат, госпитальыштат, а эн шукыжо «Медсанчасть-№ 1» рентген-лаборантлан тыршен, шке пашажлан эре шӱман лийын.

         Неле, йӧсӧ жапыште «Марий Памаш» ансамбльын ешыже тудлан пеҥгыде эҥертыш лийын.  Тиде ансамбльын солисткыже да вӱдышо семын Россий мучко талантшым ончыктен. Эльвира Васильевна сценарийымат шкеак келыштарен, почеламутлам шонен луктын. Шуко фестиваль ден конкурсышто дипломат, лауреат лӱмым да икымше верым сеҥен налаш полшен.

         1999 ийыште Вадим Краснов ден кокымшо ешым поген.  Кристина ӱдырышт шочын.

Икымше мурым возаш ачажын шольыжын лӱмгечыже таратен. Тыге «Шочмо вер» мурылан мут ден семым возен. Умбакыже мастарлыкше вияҥаш тӱҥалын. «Аралыза авадам», «Шошо шӱмыштем», «Икымше йӧратымаш», «Любимая земля», «Шочмо кече», «Ярминка», «Тау чылаштлан» мурын авторжо шкеак.  Дина Рычкован «От керт монден», «Пӱрымаш», «Ит мондо»  (мура Лариса Ильина), «Тый кӱлат мыланем» (мура Галина Якушева), «Палет, кузе чот йоратем» (мура Галина Якушева), «Кок пушеҥге» (мура Любовь Купсольцева), а Лилия Исайын «Йоратымаш», «Ала толат», «Памаш дене» (мура Любовь Куспольцева), «Шергакан пагыт» (мура Галина Якушева), «Самырык жапем» (мура Надежда Крылова) мутшылан семмастар семын семым келыштарен. Татьяна Пчелкина ден Надежда Тимофеева-Кульшетован «Сер воктене кодыч» мурыштым йоҥгалтарен.

«Шӱмсем пӧлёк» программыште «Шочмо вер», «Аралыза авадам» муро-клип гочын веле огыл, тыгак «Ала тиде Юмо?» да «Марий Памаш» концертлаш гыч войзыктыме дене эн лишыл еҥыштым пайрем дене саламлат. Шуко ешыште тудо вучымо.

         Эльвиралан шӱмжылан кок оперцийым чытен лекташыже пернен. Кажне гана операцийыш кайымыж годым тудо лишыл еҥже-влак дене чеверласен: «Ала толам, ала уке. Юмын пӱрымаш. Толам гын, мый эн пиалан айдеме лиям!».

Пӱрымаш тудым кандаш ий неле чер дене орландарыш. Пелеҥже эре шочмо аваж ден ӱдыржӧ-влак лийыныт.

         Эльвира Краснова 53 ияш (30 октябрь 2021 ий) ош тӱня дене чеверласен, мурыж гоч эре мемнан пелен кодеш. Кристина ӱдыржӧ теве кызыт тудын пашажым шуя, куд уныкаж кокла гыч эше иктаж-кудыжо коваж семынак муро аланышке толеш манын ӱшанен кодына.

 

 

Подробнее

Вторник, 25 Январь 2022

Галина Якушева. Мурызо. Биографий

Рейтинг:   / 0

  Галина Якушева   (Якушева Галина Фёдоровна) – мурызо. 24.09.1959

IAKYSHEVA 1Звенигово район Кӱшнур ялыште 1959 ий 24 сентябрьыште шочын.

1968–1970 ийлаште Кӱшнур тӱҥалтыш школышто тунемын.

«Кум ий гычак павайын (ковайын) лышташ дене шоктымыж почеш мураш тыршенам. Ачамын акажат шкеак балалайке дене шокташ тунемын. Тудо мыланна шоктен, а ме почешыже муренна».

1971–1972 ийлаште  Кугу Шигаксола (Большое Шигаково) кандашияш школышто 5 да 6 классым тунемын.

«Шарнем ик конкурсышко миенам. Почеламутым сайын лудмемлан чап грамотым кучыктеныт. Тиде икымше сеҥымашем лийын».

1973–1975 ийла – Икымше школ-интернатышке тунемаш пура. Флейта дене шокташ тунемеш.

«Сайын тунеммемлан вес ийынак почёт оҥашке логалынам. Туныктышо-влакын кечыштлан, мый икымше гана марий телевиденийыште муренам. Тушко 4 ӱдыр-рвезе-влакым ойырен налыныт. Кок мурым йоҥгалтаренна. Михаил Юрьевич Капланскийын хорышко коштынам. Тушто мурымаш ончыкылыклан «кугу урокым» пуен. Тунемме жапыште интернат-школын хоржо икымше гана Олык Ипай лӱмеш премийым налын».

1975–1977 ийлаште Палантай лӱмеш музыкальный училищыште тунемеш.

«Тунеммем годым вокально-инструментальный ансамбльыште мураш ик жап коштынам. Училищыштат 2 ий почела почёт оҥаште сай тунеммемлан логалынам. Тунеммем годым Шкетан театрын спектакльлашке массовкышко модаш ӱжыныт. Коктын скрипка дене шоктеныт, а ме 3 ӱдыр-влак муренна. «Салика», «Морко сем» «Кеҥеж йӱд» спектакльлаште лийынна. Ачам черланымылан кӧра училищым шуаш логалын».

1984–1987 ийлаште Йошкар-Оласе технологический техникумым тунем лектеш.

1977–1994 ийлаште «Красногорский Электродвигательыште» пашам ышта.

1995–2020 ийлаште «Звениговский» ял озанлык преприятийыште тырша.

«Заводыштат, совхозыштат муро деч кораҥын омыл. Паша кокла гыч Марий Элысе чыла гаяк клублаште концерт дене лийынам. Ик гана Башкирийышке, кум гана Киров да Татарстан кундемышке коштынам».

Эльвира Краснован полшымыж дене Йошкар-Олаште муро-влакшым возаш тӱҥалеш. Кызытсе жаплан репертуарыштыже  иктаж нылле наре мурыжо уло. Шукыжо Любовь Орлова дене пырля возымо улыт.

«Тӱрлӧ мероприятийыште выступатленам. Шуко чап грамот дене палемдалтынам. Эн шерге-влакше «Марий Эл радио» деч улыт. Ятыр гана «Идалыкысе муро» фестивальын участникше лийынам. 2012, 2014, 2015, 2016 ийлаште ик статуэтке дене, а 2017 ийыште2 статуэткым кучыктеныт. 2018, 2019, 2020 ийлаште диплом дене палемдалтынам. «Идалыкысе муро»- 2019 фестивальын «Мурполёк» номинацийыште сеҥыше лийынам».

Агропромышленный комплексыште шуко ий пашам тыршен ыштымылан, 25 октябрь 2017 ийыште,  Марий Эл республикысе виктерын чапкагазше дене палемденыт.

1978 ий 10 июньышто Алексей Петрович Якушев дене ушнен. Кум йочам ончен куштеныт: кок эргым, Сергей ден Алексей да ӱдырым — Иринам.

«Мый, шӱжарем Карасёва Ольга Фёдоровна дене кугешнем. Тудат школ-интернатыште тунемын. Ӱмыр мучко  тӱрлӧ коллективыште мурен».

IAKYSHEVA 3

 

Галина Якушева ден Любовь Орлова

              

 

 

                           Галина Якушева (Якушева Галина Фёдоровна) – певица. 24.09.1959

Родилась в деревне Кишнур Звениговском района 24 сентября 1959 года.

1968–1970 годах  училась Кишнурской начальной школе.

1971-1972  годах училась 5да 6 класс Большошигаковской восьмилетней школе.

1973–1975 годах – училась школ-интернате № 1. Училась играть на флейте.

1975–1977 годах училась музыкальном училище им. Палантая

Два года участвовала в массовках спектаклей театра им. Шкетана.   Пела в спектаклях «Салика», «Морко сем» «Кеҥеж йӱд».

Заболел отец и из-за этого пришлось бросить училище.

1977–1994 годах работала в  Красногорском электродвигателе

1995–2020 годах работала в «Звениговский» совхозе.

С помощью Эльвиры Красновой вышла на большую сцену.

Участвовала во многих фестивалях «Песня года» проводимых «Марий Эл радио». Была отмечена дипломами и статуэтками.

25 октября 2017 года за многолетнюю работу в агропромышленном комплексе была отмечена Почётной грамотой Правительства Республики Марий Эл.

 

Подробнее

Суббота, 08 Январь 2022

Сергей Байназов марий мурызо, самодеятельный автор, гармоньчо

Рейтинг:   / 0

СЕРГЕЙ БАЙНАЗОВ (Байназов Сергей Александрович) мурызо, гармоньчо, самодеятельный автор.

Bainazov 1.jpgБашкортостан Республике Мишкан район Тӧргымтӱр ялыште 1972 ий 29 октябрьыште шочын. 1990 ийыште Кугу Соказа кыдалаш школым тунем пытара. Комсомол путёвко дене Совет армий радамышке служитлаш кая. 1990–1992 ийлаште СССРын теҥыз границыжым оролен.

1993–98 ийлаште Касвел Сибирьыште каменщиклан пашам ыштен.

1999 ийыште илышыжым вашталта. Мишкан район Кугу Соказа клубышто (СДК) «Канде кава» ВИАм пога. Вуйлатышыже лиеш да таче мартеат тиде сомылым шукта.

1999 ийыште Стерлитамак оласе  Башкир республикысе тӱвыра техникумышко пура. «Социально-культурная деятельность и народное художественное творчество, руководитель академического хорового коллектива» специализаций дене дипломым 2003 ийыште налеш.

 2000 ий гыч Бирск оласе тӱвыра полатыште методистлан пашам ышташ тӱҥалеш.

Тачысе кечылан тӱвыра аланыште пашам ыштыме стажше 20 ий утла. Тиде жапыште Бирск районысо да Бирск оласе чыла гаяк мероприятийлаште участвоватлен.  Агитбригаде дене пасулаште, ӱдымӧ да шурным погымо годым, ялозанлык выставкылаште, шоҥго пӧртлаште тӱвыра полатын  концертлаште мастарлыкшым ончыктен. Башкортостан республикыште эртарыме «Ший кандра», «Семык», «Бирское яблоко», тӱрлӧ гармонь  фестивальлаште, «У ий кас» бал-маскарадыште, Уфа олаште КВНыште марий муро да тальянке дене калыкым куандарен.

Пытартыш ийлаште Бирск олаште «Марий муро да куштымаш» тӱрло кундемла гыч творческий коллектив-влакым поген фестивальым эртарен. Тыште Башкирийысе Бирский да вес районла гыч, Марий Эл, Татарстан, Свердловский областьла гыч ансамбль да мурызо-влак выступатленыт

«Канде кава» мурышо коллектив  кок шагаташ програме дене  ийлан 100 утла концертым ончыктен. Тыште тӱҥжым Бирск оласе кугыжаныш университетын студентше-влак лийыныт. 20 ий жапыште 15 ӱдыр-влак шке творческий пашашт дене, мурымышт дене, калыкым куандареныт да мастарлыкыштым таптеныт. Теве ынде 15 ий наре коллективыште  Башкирий Краснокамский район гыч Сергей Зайнитдинов да 10 наре Башкортостан республикын тӱвыран сулло пашаеҥже Римма Исламгалиева улыт.

«Канде кава» группо 5 ДВД альбомым да 2 аудиосборникым луктын.

Гастроль дене Башкирийысе тӱрло кундемымтыже лийыныт.  Бирск, Мишкан, Калтаса, Краснокам, Шаран, Балтач, Дюртюли, Янаул, Нуриман, Благовещенск, Татышла, Бурай районлаште, Бирск, Уфа, Нефтекамск, Благовещенск, Янаул олалаште, тыгак Марий Эл, Удмуртий, Татарстан республикылаште, Свердловский область, Пермь кундемыште выступатленыт.Тюмень, Сургут, Когалым, Нижневартовск, Екатеринбург калыкым куандареныт.

2010 ийыште «Финноугрия» обществын ӱжмашыже почеш «Марий талешке кече»  пайрем годым Эстонийыште лийыныт. Таллинн, Тарту, Нарва олалаште выступатленыт.

 Тӱрлӧ кундемласе марий организаций-влакын ӱжмышт почеш калыкым куандареныт. Тиде Москва, Санкт-Петербург, Екатеринбург, Пермь, Сарапул, Ижевск ола-влак.

2011 ийыште Нефтекамс оласе Башкир кугыжаныш филармоний дене пеҥгыде кылышт лийын.

Сергей Александрович 1999 ийыште Йошкар-Олаште эртарыме автор-исполнитель фестивальыште ончышо-влакын призышт дене палемдалтын.

 «Канде кава» группо «Молодые голоса», «Самоцветы Прикамья», «Чолман йӱк», «Яндар йӱк», «Бирское яблоко» (1ст. диплом), «Ший кандра» (2 ст. диплом) фестиваль да конкурс-влакын участникше да  дипломантше лийын.

Коллективын репертуарже тӱрлӧ. Тыште шке возымо муро-влак (40 наре), калык муро да вес авторын-влакын мурыштат шуко кучылталтыт.

Тальянка, баян, шиялтыш,  тÿмыр эреак концертлаште кучылталтыт.

Юбилейлан муро сборникым луктын. Тыште шке возымо муро-влакше, калык муро, сӱан такмак-влак пуртымо улыт.

Автор да исполнитель семын Россиийысе автор-влакын обществышкыже пурен (РАО)

Марий тӱвырам аралымылан, шке мастарлыкшым кӱкшын ончыктымыжлан Башкортостан да Марий Эл республикын, Бирский районысо муниципальный районысо советын, Бирск, Мишкан, Шаран, Балтач, Татышла районысо,  Башкортостан  Республикысе калык тӱвыра рӱдержын, Санкт- Петербург оласе « Дом национальностей», Свердловский областьысе тӱвыра министерствын, Нефтекамск оласе администарцийын, «Чолман» (Нефтекамск) да «Кугарня» (Марий Эл) газет-влакын, Калтаса, Дюртюлий, Татышла районысо ял поселений-влакын  ЧАП ТАНЫК (Почетан грамото), ДИПЛОМ,  ТАУМАТАН СЕРЫШ-влак дене  (Благодарственный письма) палемдалтын

 Марий Эл Республикысе тӱвыра, печать да калык-влак шотышто министерствын лукмо  «Служение народу 125 лет Сергею Чавайну» шарнымаш медальым кучыктеныт.

  Пелашан. Кум йочаже уло.

 

 

                    Байназов Сергей Александрович

  Родился в деревне Курманаево Мишкинского района Республики Башкортостан 29 октября 1972 года. Закончил Большесухоязовскую среднюю школу. После школы по комсомольской путевке был призван в ряды СА. С 1990 по 1992 охранял морские рубежи СССР.

  С1993-98г – осваивал Западную Сибирь. Работал на стройках каменщиком.

  1999 год стал переломным в жизни сибиряка. В Большесухоязовском СДК создали вокально- инструментальный ансамбль «Канде кава» (Светлое небо), руководителем которого сам и является по сей день.

  Поступил учиться заочно в Башкирский Республиканский Техникум Культуры в  г. Стерлитамак.  Специализация «Социально-культурная деятельность и народное художественное творчество, руководитель академического хорового коллектива». В 2003году получил диплом специалиста.

  С 2000г. начал работать в Центральном городском Дворце культуры города Бирск, методистом. Стаж работы в культурно- просветительной работе более 20 лет. За время работы Сергей Александрович показал себя ответственным, добросовестным, трудолюбивым работником.  Принимал участие  во многих районных, городских мероприятиях. Раньше с агитбригадой выезжали на посевные и уборочные компании, выступал на сельскохозяйственных  ярмарках в Уфе и в Бирске, в домах престарелых, в обществе слепых и других мероприятиях проводимых ГДК. Приглашают на республиканские мероприятия  «Ший кандра» (Серебряная веревочка), «Семык» (Троица), новогодний балмаскарад «У Ий кас», «Бирское яблоко», КВН (Уфа), играй гармонь и т. п.

  Каждый год в г. Бирск собирал  региональный «Праздник песни и танца народа марий» куда приглашали творческие коллективы Бирского и соседних районов, а также из республики Марий Эл, Татарстана, Свердловской области.

   В год «Канде кава»  успевал организовать более 100 концертов с 2-х часовой программой. В составе группы в основном были студенты БГУ. За 20 лет работы более 15-и студентов смогли реализовать свои творческие способности на различных площадках нашей республики и за его пределами. В  коллективе уже более 15 лет выступает работник культуры из Краснокамского района Сергей Зайнитдинов и 10 лет Заслуженный работник культуры РБ Римма Исламгалиева.

  С группой выпущено 5 альбомов DVD  формата и 2 аудио сборника. Гастроли группы проходят во многих районах и городах Башкортостана: Бирский, Мишкинский, Калтасинский, Краснокамский, Шаранский, Балтачевский, Дюртюлинский, Янаульский, Нуримановский Благовещенский, Татышлинский, Бураевский,  р-ы, в городах Бирск, Уфа, Нефтекамск, Благовещенск, Янаул, а так же в республиках Марий Эл, Удмуртии, Татарстане, Свердловской области, в Пермском крае в городах Тюмень, Сургут, Когалым, Нижневартовск, Екатеринбург. На праздник посвященный Дню Национального героя народа мари в 2010 году, по приглашению общества «Финноугрия», «Канде кава» 5 дней выступала в различных городах  Эстонии (Таллинн, Тарту, Нарва) где тепло встречали народные песни под сопровождение тальянки, свирели, марийского барабана. По приглашению различных общественных организаций марийцев  выступали в Москве, Санкт-Петербурге, Екатеринбурге, Перми, Сарапуле, Ижевске.

    2011г сотрудничал с марийской бригадой Башкирской Государственной  Филармонии г. Нефтекамск.

   Дружественные отношения с творческими коллективами в  республике Марий Эл и с другими регионами. Помогали организовывать гастроли по Республике Башкортостан. Наши гастроли по Марий Эл тоже проходили с аншлагом.

  1999г на конкурсе авторов — исполнителей в г. Йошкар- Ола, получил приз зрительских симпатий.

  Участник и дипломант различных конкурсов и фестивалей: «Молодые голоса», «Самоцветы Прикамья», «Чолман йук», «Яндар йук», «Бирское яблоко» (диплом 1ст.), «Ший кандра» (диплом 2ст).

  Репертуар коллектива разнообразен: более 40 песен собственного сочинения, большое внимание уделяется народным песням и проводится работа с другими авторами. Тальянка, баян, свирель,  тÿмыр (марийский барабан) всегда украшают, придают колорит концерту. После каждого концерта обязательно звучит «веревочка», чтобы зрители могли потанцевать.

   К юбилею выпустил книгу — сборник песен, куда включены  авторские песни, так же народные песни, свадебные частушки, которые более 20 лет собирал в разных районах республики.

 Выезжал в составе жюри на различные районные  конкурсы и фестивали. Помогал в составлении сценарии праздника, предоставлял аппаратуру, костюмы.

  Автор и исполнитель марийских песен, член РАО.

  За большой вклад в развитие национальной культуры, за высокое исполнительское мастерство  отмечен почетными грамотами, дипломами и благодарственными письмами от Министерств культуры  РБ и Республики Марий Эл, Совета муниципального района Бирский район, управлениями культуры  Бирского, Мишкинского, Шаранского, Балтачевского, Татышлинского районов,   Республиканского центра народного творчества,  Дома национальностей» г. Санкт- Петербург, Министерства культуры Свердловской области,  Администрации городского округа город Нефтекамск, редакции газет «Чолман»(г. Нефтекамск) и «Кугарня» (Марий Эл), глав сельских поселений Калтасинского, Дюртюлинского, Татышлинского районов.

 Министерством культуры, печати и по делам национальностей Республики Марий Эл отмечен  памятной медалью «Служение народу. 125 лет Сергею Чавайну».

  Женат. Трое детей.

Подробнее

Среда, 27 Октябрь 2021

2022 ийлан у календарь-влак

Рейтинг:   / 0

2022 ийлан кок календарь лектын. Тиде кызытеш…

«Мари-Рекордс» продюсер рӱдер иктыжым Марий Эл радион вӱдышыжӧ Жанна Фёдорова дене ыштен. Мотор марий ӱдыран да марий пайрем палдарымашан календарь-влак эре сайынак ужалатыт. 2022 Kalendar 1

Но «Мари-Рекордс» продюсер рӱдер эше вес сынан да ончык шонымаш дене календарьым луктын. Марий пайрем палдарымашан календарьыште кӱслезе-влак улыт. Тыште Звенигово район  Кужмара сымыктыш школын тунемшыштым пуртымо. А школ кок вере туныктымашым эртара. Сандене тунемше-влак Красный Яр (Чакмарий) школ гычат улыт. Кӱсле дене, 1986 ий годсек,  Костерова Валентина Витальевна туныкта. 2022 Kalendar 2

Ме палена, кӱсле тиде МАРИЙ КАЛЫКын шоктымо ӱзгарже. Пытартыш жапыште тольык шуко еҥын вуйыштыже курык марий-влакын инструментышт веле манын шонымаш коштеш.

Теве Звенигово пазарыште лиймем годым йодышым пуышым. Нине кӧ улыт? Ну-у-у курык марий коллектив дыр, манын шукынак вашештышт. Вет тиде  Звенигово вел улыт, манын ваштымемлан ӧрынак кайышт.

Калыклан палдараш кӱлеш! Палымам вет! Тиде шонымаш дене лӱмынак фотоссесийым ышташ коштмо да календарьыште кӱслезе-влакым лукмо. Ынде налза, куаныза да палыза.

Календарьлаште фотографий-влак Валерий Поликарповын улыт

Кӱслезе-влак дене календарьлан дизайным Екатерина Тетерина ыштен

 2022 Kalendar 3

Подробнее

Среда, 29 Сентябрь 2021

ЕВГЕНИЙ ФИЛИППОВ. Биографий.

Рейтинг:   / 0

 ЕВГЕНИЙ ФИЛИППОВ — мурызо, гармоньчо, самодеятельный автор.Filippov Evgeni

Биографийже.

Филиппов Евгений Васильевич Звенигово район (Провой кундем) Дружба ялыште 1970 ий 13 февральыште шочын. Ачаже тракторист, аваже тӱрло пашам ыштен, совхозышто тыршеныт.

1976 ий гыч 1984 ийыште Кужмара кыдалаш школышко тунемаш коштын.

1984 ийын пурен да 3 ий Кужмара Красноярский СПТУ-20 шофёр-трактористлан тунемын.

1988–1990 ийлаште армийыште лийын.  Дальний Восток Приморский крайысе ракетный войскаште служилен. Сержант званий дене мӧҥгӧ пӧртылын.

Армий деч вара пашаш пурен. Трактористлан совхоз пытымеш ыштен.

Кызыт автофургон ыштымаште тырша. Красногорский КАФыште пашам ышта.

1991 ийыште ӱдырым налын. 2 ӱдыржӧ, 1 эргыже уло.

Муро тудын деке кузе толын манмылан тыгерак ойла:

«Школышто тунемме годымат эре муренам. Солист лийынам. 1-ше мурым «Ну подари мне поцелуй» руш мурын семжылан шке мутем келыштарен возенам. «Шупшал мыйым йолташем » ман лӱмденам. Варажым шкежам сем-влакым лукташ тӱҥалынам. Нотым ом пале, чон гыч семым келыштарем.

Гармоньыым гын мый икымше гана 10 ияш годымак кученам. Сӱян муро семым луктынам. Шке гыч тунемынам. 16 ияш ӱдыр йӱктымашке миенам. 30 ий сценыште улам. Шуко сӱян да юбилейлаште лияш логалын»

Кызытеш 30 наре мурыжо уло. Гастроль дене Марий Элын чыла гаяк кундемыште лийын. Ик гана Пошкырт кундемышкат миен толын

Подробнее

Понедельник, 28 Июнь 2021

15 февраль Марий Подкогыльын шочмо кечыже!

Рейтинг:   / 0

Кажне марий еҥлан ПОДКОГЫЛЬО манмек шинча ончылно под але миске гыч шолтен лукмо кочкыш сӱретлалтеш. Кугу гына терке але кӱмыжышто парым лукшо кочкышым ужат.  А вара ӱйышко тушкалтен кочмо сӱрет шӱвылвӱдымак луктеш.

Кызытсе илышышыште кочкыш  илыш гыч лектын возо манын шонымаш коштеш ыле. Но туризм амал дене тудо угычын ылыже. Тиде амал дене пайрем кече семын тудын палемдыман. Кече лиеш гын кугурак  амал лиеш, кызытсе йылме дене каласаш гын, «пиарым» ышташ. Могай кечым палемдаш тӱҥалман?

Шукерте огыл подкогыльылан патентым налыныт. Тидым «Теплая речка»  трактирым шочыктышо, ресторатор да отельер-влак  федерацийын  Марий Элысе  представительствыжым вуйлатыше   Иван Антропов ыштен.

Тиде амал дене  ПОДКОГЫЛЬО палемдыме кече 15 февральлан сайын толеш. Пайрем манын ойлаш йӧнан кече. Кеҥежым  гын ПОДКОГЫЛЬО пайремым лач 6 августышто ышташ лиеш. Тиде кечын подкогыльолан заявкым пуымо кече. Ийыште кок кече марийын ик эн чапле кочкышыжым жаплыме кече лийын кертыт.

Палашлан увер. Википедий лаштыкым ончалат да 26 ноябрь подкогыльын кечым марий-влак палемдат манын возымо.  Тидым Мишканыште лекше «Келшымаш» газет,  кажне кече пайрем лаштыкыштыже, палемден возен. А тиде увер вара Викикпедий лаштыкышке  куснен. Молан лач тиде кечын. Нуно тыгерак возат. 26 йӱштӧ/ноябрь – Подкогыльо кече. Тиде кечын подкогыльым ыштен кочман.

Нур лыпланыме кече. Тиде кече гыч нур лайык мален колта. Тушто шошо марте Поран ден Пургыж гына кушташ тӱҥалыт. 

 

Тыште но пеш шуко уло.. Сандене айста йолташ-влак лач патент налме кечым ончалын МАРИЙ ПОДКОГЫЛЬОн кечыжым                15 февральыште палемдена.

Тыгак кеҥежым  6 августлан пайрем кечым кылдаш лиеш.

 PATENT Podkogilo

 

Подробнее

Суббота, 15 Май 2021

Петр Андреев баянист, самодеятельный автор.

Рейтинг:   / 0

Автобиографий

Andreev.jpg

Мый, Андреев Петр Иванович 5 июль 1947 ийыште Звенигово район Нурда ялыште шочынам. Икымше классыш Нурда кыдалаш школыш каенам, а вара кокымш гыч нылымше класс мартеНиколаевский восточный начальный школыш коштынам. Визымше  классыш Шелангер поселкысе кыдалаш школышко каенам. 1956–1962 ий  тунемынам. Шымше класс марте шинчымашым погенам.

1963 ий сентябрь тылзыште  Йошкар Оласе Палантай лӱмеш музыкальный училищыш дирижерско-хоровой отделенийын подготовительный курсыш пуренам.

1965 ийыште икымше курсыш калык  семӱзгар отделенийышке предподаватель Фирсован классыштыже тунемаш тӱҥалынам.

1967 ийыште Совет Армий радамыште служитлаш налыныт.  Ракетный войскаште радиотелегафистлан тунемынам, а вара радист-влакын отделений командирышт и секретарь комсомольской части лийынам. Армий гыч служитлен 1969 ийыште толынам и вара  уэш  музыкальный училищыш пуренам

1972 ийыште 4 курсышто заочный отделенийыш вонченам. Вара Кужмара тӱвыра пӧртышто пашам ыштенам.

1972 ийыште  ешан лийым.  Пелашем Зинаида Филимоновна Городская тыгак Культпросветучилищым тунем пытарен

1972 ийыште октябрь тылзыште Звенигово тӱвыра портышто тӱрлӧ должность дене пашам ыштенам (худ.руководитель, аккомпаниатор, методист народного творчества, автоклуб вӱдышылан, старший методистлан КПР да тугак по совместительству Звениговский детский музыкальный школышто, Красноярский музыкальный школышто пашам ыштенам. Красноярский средний школышто, Звениговский школ -интернатыште пенийым туныктенам. Ныл ий йоча-влак дене лийынам. «Юл куат» ансамбльын вӱдышыже лийынам, калык лӱмым налше «Чуваш еҥ» ансамбльлан полшенам,  «Чакмарий» ансамбльлан, «Звениговские зори» хор ветеранлан шоктенам и вӱденам, Исменца «Олык сем» ансамбльлан полшенам, йоча студий «Юл куат»  ансамбль пелен полшенам. Колхоз дене фермылаш коштынам. Художественный номер-влак дене полшенам.

1981 ийыште Йошкар- Оласе музыкальный училищыште музыкальный школ -влаклан туныктышо лийын лектым.

1986 гыч 1991 ийыште Казанский институт культурышто тунем лектым

1990 ий гыч 1995 ий марте Республиканский школ – интернатыште тыршенам.

1995 ийыште 25 сентябрь гыч Ямало-Ненецкий автономный округысоМыс-Каменный поселкышто средний школышто музыкым туныктенам.

2000 ийыште Мыскаменский Детский музыкальный школышто баяным, аккордеоным, пианином, шиялтышым, гитарым, теорий музыкым, музыкальный литературым да сольфеджио предметым туныктенам.

2014 ийыште  Ямал гычын сулен налме канышыш лектым да Звенигово олашке пӧртылым.

2014–2015 ийыште Искусство школын йодмышт почеш аккордеон дене туныкташ логале. Тиде жапыштак Автофургон дом культурышто «Муро Эҥер» ансамбль  да ветеран хорыштлан полшенам. Звенигово оласе «Соцзащита» пелен кажне кечын пенсионер -влаклан  тӱрлӧ вечер-влакыште  мурыктен куштыктен шогаш логале.

А кызыт тазалык шот дене пашам ом ыште. Но районын, тӱвыра пашам вераҥдыме шотышто, кертмем семын, ӧрдыжеш ыжым код. «Шӱм куан» ансамбльан полшен шогышым. Шуко мурым, Звенигово куштымо сем -влакым сӱан сем-влакым флешкышке возен пуенам.

(тиде автобиографийым 2016 ийыште возен)

                                           Автобиография. (на русском языке)

Я, Андреев Петр Иванович родился 5 июля 1947 года в деревне Нурда,  Кожласолинского сельского совета Звениговского района  в многодетной большой в семье 13 детей.

В сентябре 1954 года первый класс начал ходить в Нурдинскую  начальную школу, затем, со второго класса по четвёртый класс «Восточная начальная школа» в деревне Николаевский.

1956 году  пятый класс в Шелангерскую среднюю школу.

1963 году Йошкар-Олинское музыкальное училище им.

И.С. Палатная дирижёрско-хоровое отделения поступил. По особому сильному желанию, после испытательного срока, по личному заявления, перевёлся на 1 курс отделения народных инструментов по классу (баян).

17 ноября 1967 года с третьего курса был призван в ряды Советской Армии «Ракетная войска стратегического назначения» Саратовской области.

С января 1970 года вернулся из армии продолжил учёбу в музыкальном  училище. Снова на третий курс. Не успев закончить училище с 4 курса по семейному обстоятельству, перевёлся на заочное отделение.

В феврале 1972 года поступил на работу в Кужмарский сельский клуб в качестве художественного руководителя, а 30 апреля 1972 года женился. Жена- Зинаида Филимоновна Городская тоже закончила Марийское республиканское культурно -просветительное училище по специальности: организатор культурно -просветительной работы.

В октябре 1972 года работал аккомпаниатором, музыкальным руководителем в Звениговском   районном Доме культуры. За период время работы  в РДК города Звенигово я совмещал множество должностных работ: пять лет  организатором и руководителем был народного ансамбля песни и пляски «Юл куат». А так же помогал Исменецкому ансамблю «Олык сем», народному ансамблю «Чуваш Ен» в Чуваш -Отарах, ансамбль песни и танца «Чакмарий» Красноярском Сельском Доме культуры, организатор множество хоровых коллетивов ПМК, з-д  «Зонт»,з-д «Конакт»,автор десяти песен в том числе «Город, мой Звенигово».

Но пришли трудные времена перестройки в 1995 году пришлось уехать на полуостров Ямал. Начал работать  Мыскаменской средней школе преподавателем музыки.

В 2000 году был принят  Ямальским отделом культуры  преподавателем Мыс Каменскую музыкальную школу по классу  баян, аккордеон, флейта, гитара, пианино, балалайка, домра, гармошка. Организовал разные культурные мероприятия помогал СДК «Геолог» по организации культурно просветительных праздников.

В 2014 году   вышел на заслуженный отпуск и приехал свой любимый Марий Эл город Звенигово.

С 2014 по 2015 год по просьбе Звениговского отдела культуры пришлось поработать в Школе искусство по классу баян и аккордеон. В это же период пришлось помогать ДК «Автофургонов» ансамблю «Муро Эҥер» а так же Звениговский ЦДИК ансамблю «Шӱм куан» и духовом оркестре помогал так же Звениговский социально защите помогал пенсионерам провести вечера и разные мероприятие и чаепитие. 

 

 

Подробнее

Понедельник, 10 Май 2021

Варалеште марий тӱвыра кече эртыш. 8 май 2021 ий

Рейтинг:   / 0

 VARALI.JPG

8 майыште Удмурт республике Алнаш район Варале ялыште сылне пайрем кече гӱжлыш. Эн ондак 9 май вашеш мероприятий-влак эртышт. Варажым тысе тӱвыра пӧртын да «Царамис» ансамбльын вуйлатышыже Анатолий Николаевич Семёновым, тысе тале эргым марий тӱвыра кече радамыште чествоватлымаш лийын. Тудын нерген палдарымаш, паша лектышыж дене куанен ойлымаш ятыр еҥын лие.

Эн ондак Алнаш районысо вуйлатыше  Семенов Алексей Викторович каласыш.VARALI 7.jpgVARALI 8.jpgVARALI 1.jpgVARALI 6.jpg 

Тыгак поро мутым Одо марий ушем вуйлатыше Ямаков Николай Иванович, Алнаш районсо марий-влакын ушемыштым вуйлатыше  Иванов Борис Николаевич каласышт. А чаплын гына мероприятийым сӧрастарышт марий эстрадын чолга шӱдырышт Роза Искакова, Вадим Краснов, Александр Лопкин да вӱдышӧ Сергей Карпов.

VARALI 4.jpg VARALI 2.jpg VARALI 3.jpg 

Мероприятий нерген Алнаш районысо тӱвыра пӧлкан вуйлатышыже Наталья  тыгерак воза. Ончалын кертыда.

https://vk.com/id187813714?w=wall187813714_3330%2Fall

Тыгак Николай Ямаков  Царамис ансамбль нерген палдарымашым ыштен

Анатолий Семёновын биографийже

Анатолий Николаевич Семёнов нерген мутем луктам. Тудо Удмурт республике, Алнаш район Варалий ялыште 1 июль 1977 ийыште шочын.

1984 ийыште Варали тӱҥалтыш школышке 1 классышке кая. Школышто директорлан ачаже  Семёнов Николай Семёнович пашам ыштен.

1987 ийыште Варалийыште кум классым тунем лекмек  1987 ийыште Татарстан республике Менделеевский район Монашево кыдалаш школ тунемаш кая. 4 меҥге йолын кажне гана кошташ логалын.

1993 ийыште 9 классым тунем лекмек ачаж Николай Семёнович дене пырля Марий Эл Элышке Йошкар-Олашке тунемаш пураш толыт. Тышке Марий Эл Республикысе тӱвыра да сымыктыш колледжышке хореографлан Анатолий пурынеже ыле.

А молан лач тышке. Шкеже тыге ойла. Эше 80 ийлаште Гондырево ялысе клубышко Марий Эл республикысе кугыжаныш филармоний пелен улшо  Марий Эл  кугыжаныш куштышо  ансамбль толын.10 ияш Анатолийлан нуно  пеш чот келшеныт. Кузе куштызо-влак моторын, куштылгын куштат. Кузе чаплын дробьым луктыныт. Шкаланже шонымашым пыштен. Мыят тыге кушташ тӱҥалам. Да палыме артист лиям.

1993 ийыште Йошкар-Оласе тӱвыра сымыктыш колледжышке хореографлан тунемаш пура. Икымше ийынак тӱрло ансамбльашке кошташ тӱҥалеш да концерт-влак дене кошташ. Ондак колледж пелен улшо «Рвезылык»куштышо ансамбльыште шуаралтеш, вара Сеҥымашын кумлымшо идалыкше лӱмеш тӱвыра полат пелен улшо «Мари» лӱман куштышо да мурышо ансамбльышке да руш «Сударышка» ансамбльыште  коштеш. Чыла вере шуктен да шуаралтын.

1997 ийыште колледжым тунем лектеш. Педагог-хореограф да балетын артистше специальностьым налеш. «Марий Эл» кугыжаныш куштышо ансамбльышке ышташ тӱҥалеш. Тунам ансамбль дене Юрий Генадьевич Иркабаев вуйлатен.

22 ноябрь 1998 ийыште армийышке налыт. Оренбургский область Тоцкое 4-те    21617 номеран частьышке логалеш. Снайпер лиеш. Пел ий служитлымек 27 дивизй 506 полкым тичмашнек эшелонышке грузитлен Чечняшке колтат. Тудо 2 чечен кампанийышке логалеш.

Кузе Анатолий Николаевич ойла. Дагестанысе Кочубей станцийыште ваххабит-влак икымше дене кучедалмаш лийын. Варажым командований Грозный оласе Минутка площадьым ваххабит-влак деч эрыкташ задачым пуен. Тыште пеш шуко йолташ-влак йомдарымашыже лийын. Мыняр салтак да офицер-влак коленыт, ранитлатын. Пеш неле лийын. Но лач шке ачамланде, Россий Федераций верч, приказым шукташ кӱлеш шонен йолташ-влакым йомдараш логалын. Грозный олам тичмашнек налыныт. Варажым Анатолийын полкшым Хачкала кусарат. Тыштат пеш куштылгыжак лийын огыл. Но порысым шукташ кӱлын. 4 апрель 2000 ийыште дембельышке толын. Мӧҥгӧ пӧртылмеке ик жап гыч  Йошкар-Олашке толеш. Тыште Марий Эл ансамбльышке пура. Тунамсе вуйлатыше Юрий Геннадьевич Иркабаев дене мутлана. Тудо тунам 1500 теҥге пашадырым темла. Анатолий Шоналтем манын лектын кая да 2001 ийыште Йӱдвелышке Новый Уренгойышко пашам ышташ кудалеш. Илаш кӱлеш.. Уренгой деч вара Якутийышке, Колымашке, Мурманск, Воркута да Комиште коштеш. Варажым тышечын кая да 2008 ийыште Менделеевск олаште  Гассар лӱмеш тӱвыра полатыште Шаян куштышо ансамбльышке педагог репетиторлан пашам ышташ пура. Тыште 2016 ий марте ышта. 2016 ийыште Варалишке пашам ышташ ӱжыт. 2016 ийыште Варалий марий тӱвыра пӧртым вуйлаташ тӱналеш. Тыште у ансамбльым пога.  «Царамис» йоча куштышо ансамбльым. Ансамбльынат историйжее пеш чот кумда виян лие.

Подробнее

Вторник, 04 Май 2021

Йоча-влак куандарат. Шабдаров еш, "Царамис" да "Шӱдыр" куштышо ансамбль-влак

Рейтинг:   / 0

Марий йоча-влак ончылно улыт. Тиде кечылаште икмыняр чапле увер-влакым интернет лаштыклаште ужаш лие. Нуно чыла йоча-влак дене кылдалтше улыт.

ИКЫМШЕ.  Шернур район Купсола гыч Шабдаров еш пеш чапле сеҥымаш дене мӧҥгӧ пӧртылын.

 SHavdar 1 3.jpg Havdar 2.jpg  SHavdar 4.jpg Уверым Саша Ивановын страницыж гыч налме

КОКЫМШО. Удмурт республике Алнаш район Варали гыч «Царамис» куштышо ансамбль «Феерия танца» тӱнямбал куштымаш фестивальыште  86 коллектив гыч 2 степенян диплом дене палемдалтын. «Царамис» куштышо ансамбль чыла кокла гыч лач икте ял гыч лийын. Молышт олала гыч толыныт. Тыгак ансамбль ончышо-влакын призыштым сеҥен налын (приз зрительских симпатий). Тиде коллективым Анатолий Семёнов вуйлата.

STARamis 5.jpg STARamis 6.jpg

https://youtu.be/iho-_K6pP1c  — видеом тыште ончал кертыда

КУМШО. Эше ик куанле увер Киров вел гыч тольо. Тушто Малмыж район Кугу Кетек ял гыч «Шӱдыр» йоча куштышо ансамбль 1 степенян дипломым сеҥен налын. Тиде коллективым Ирина Кошкина вуйлата.

SHudir 1.jpg SHudir 2.jpg

Вот тыгай чапле да куанле увер-влак

Подробнее