MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/

Все материалы

Пятница, 05 Февраль 2021

Мыскара. Леонид Кучеров деч

Рейтинг:   / 0

Korova%20kycherov.Маслозавод гычын ялллаште Газ-53 машина дене шӧрым поген коштыт. Кок пошкудо-шамыч ведра дене шӧрым сдаватлаш толыныт. Иктыже весыж деч деч йодеш:

- Мо, Анатолий Палыч тыйжын ушкалетше каза гай велыс. Кушеч 12 литр шӧрым сдатлет?

- Але Ировкышто вӱд пытен огыл – манеш

2.      Ик пошкудем, маслозаводышто кочегарлан пашам ыштен. Кажне гана смена деч вара 3 литр ӱмбалым (лайым)мӧҥгыж конден. Мыйже йодам: Валерий, ӱмбалжым кажне гана кушто налат?

Тудо ойла: «Маслозаводышто ӱшкыжым лӱштем». Шкеже лыт-лыт воштыл колта

3.      Январь тылзе, мый йолгорно дене Шордур школыш ошкедем. Игече пешак йӱштӧ. Поран, лум лумеш. Ошкылаш пешак неле. То туп дене савырнем, то оҥ дене ошкылам. Ваштарешем изирак капан ӱдырамаш толеш. Издерым шупшеш, а туштыжо шондык. Шондык ӱмбалне тӧшак кия. Мыланем ойла:

- Нурӱмбал ял гыч улам. Лазутлан ватылыкеш толынам. Кок арня илышым. Ко арняштыже ик ганат йӧратен ыш ончо. Молан мыланем тыгай марий кӱлеш. Ойырлен каем.

 

Подробнее

Вторник, 02 Февраль 2021

Артур Ефремов биографий

Рейтинг:   / 0

ARTUR EFREMOVАРТУР ЕФРЕМОВ – (28 октябрь 1984 ий5 май 2020 ий)

Ефремов Артур Александрович (мурызо, самодеятельный автор, гармоньчо) Советский район Люперсола ялыште 28 октябрь 1984 ийыште шочын.

1991 ийын Шуарсола кыдалаш школышко каен.

9 классым тунем лекмек 2000 ийын Йошкар-Оласе «Палантай лӱмеш тӱвыра да сымыктыш колледжышке» «Семӱзгар-влак дене шоктымаш» отделенийышке тунемаш пура.

Ик жап омса ыштымаште ыштен.

2006 ийыште ӱдырым налын. Морко район гыч Галина дене ушнен. Кок ӱдыржӧ Карина (200¬¬¬_) дене Лиза (Елизавета 2013 ий) шочыныт.

2009–2010 ийлаште армийыште службым ыштен. Самара олаште связь войскаште лийын.  (40278,п.Мирный. ВВС и ПВО Самарская область. Узел связи. Россия, 2009–2010)

Шкетын да тыгак «Чоным почын мурена» проект дене пырля выступатлен. 2016 да 2018 ийлаште Йошкар-Олаште да Волжск олаште сольный концерт-влакым эртарен.

17 октябрь 2019 ийыште ДТП-шке логалын.

5 май 2020 ийыште ӱмыржӧ лугыч лийын.

2020 ий мучаште сольный дискше лектын. Тушко 32 муро пурен.

 

 АРТУР ЕФРЕМОВ — Ефремов Артур Александрович (певец, самодеятельный автор, гармонист) родился 28 октября 1984 года в деревне Люперсола Советского района Марийской АССР.

Подробнее

Вторник, 05 Январь 2021

Шочмо кечылан мыскара. 5 январь 2021 ий

Рейтинг:   / 0

SHOCHMO keshe 2021 miskara

Подробнее

Понедельник, 21 Декабрь 2020

Мыскара. Оҥай тыланымаш-влак

Рейтинг:   / 0

Шке жапыштыже Марий Эл радиошко тыгай оҥай саламлымаш-влакат толыныт ыле.
1. Опонъгала оваргаш, коя понгыла шарлаш, нерым йоктарен шогаш тыланем.
2. Лий рывыж гай чоя, мерангай писе, мыйын гай ушан
3. Тыланем аташ майра гай яжар койшым, сӧсна подыш пурдымо лавыра гай тазалыкым, кукшо кол гай пиалым да тӧшакыште пӧрдал кийыше вожылдымо йӧратымашым.
4. Тек тыйым ӱмырет мучко нигӧ ынже йӧрате и тый нигӧм йӧратен ит керт.
5. Тыланем лыни-луно тазалыкым, шолдыргышо ӱмырым, шортшашлык кумылым. Света, тиде чыла конкурслан гына, тылатше чыла мӧҥгешла.
6. Тыланымаш тыгай. Пий гай ит опто, чыве гай ит кыдетле, сӧсна гай ит пургед.
7. Шочмо кечылан тыланымаш рушла рушташ, марийла ораш, ушкалла йӱаш, чывыла кочкаш, шорыкла тавалтен колташ!
8. Тыланена тазалыкым, а кодшыжым оксала налына да утыжым ужалена
9. Тыланымашем тыгай лиеш. Лий тый эре агытан гай яжар, каза гай йорга, шыҥа гай вӱрйӱшӧ, 100 ий марте иле да вара каваре.

Подробнее

Четверг, 05 Ноябрь 2020

2021 ийлан календарь-влак

Рейтинг:   / 0

Mari kalendar 2021 perekid Пытартыш жапыште шуко календарь-влак лектыт. «Мари-рекордс» продюсер рӱдер 2021 ийлан марий юмыйӱла пайрем палдарымаш  дене икмыняр календарь-шамычын темла. Тыланда ончалаш да налаш веле кодеш.  Муаш шонеда гын, календарьлаште телефон, вотсап да вайбер улыт.

  Mari kalendar 2021 Lymari

Mari kalendar 2021 Paranga  Mari kalendar 2021 perekid

Подробнее

Вторник, 27 Октябрь 2020

Марий календарь - 2021

Рейтинг:   / 0

Вашке у календарь лектеш. Марий календарь-2021. Тыште 12 тӱрлӧ районласе гармоньчо-влакым ужаш да нуным ончен куанаш лиеш. Кажне лаштыкыште марий йӱла пайрем-влак ончыкталтыт. Шкендан кундемысе гармоньчыда тендамат куандарат, а марий йӱла пайремже пеш сай палдарымаш лийыт. Икманаш ВУЧЫЗА!!! Теве тыгайрак фото-влак тушто лийыт. А тыгай сылне фотографий-влакым ВАЛЕРИЙ ПОЛИКАРПОВ ыштен. Лач Башкирий да Курык марий районысо фото-влакым вес фотограф-влак ыштеныт.

Mari kalendar 2021 perekid

Подробнее

Понедельник, 19 Октябрь 2020

Ойган увер. Мурызо да самодеяльный композитор Валерий Тихонов уке лие.

Рейтинг:   / 0

Марий эстрадышкына адак ойган увер   тӱкален пурыш.

Тихонов Валерий Сергеевич

 

16 октябрь 2020 ийыште кумдан палыме марий мурызо Валерий Тихоновын ӱмыржӧ лугыч лийын. Тудо шочын-кушкын Морко район гыч.  Йошкар-Оласе школ интернатыште тунемын. Варажым Палантай лӱмеш музыко училищышым тунем лектын. Марий кугыжаныш университетыште шинчымашым кумдаҥден

Советский районышто пашам ыштен. Семым келыштарен, муро-влакым возен. Эн ондак самодеятельный автор семын ме тудым мурызо Николай Головин гоч пален налынна. Валеран возымо муро-влакшым марий муро тӱняште луктын. Но вара тудо шкежат мураш тӱҥалын. Шуко сылне муро-влакым возен да мурен. (тыште колышт кертыда https://vk.com/mari_muro) Но каласыман Валерий Сергеевич муро-влакшым шкеже гына гына мурен огыл, а весе-влакат мурат. Мурыжлан семым возен да артист-влаклан пуен. Пытартыш жапыште тудын мурыжым шуко мурызо-влак йоҥгалтарат.

Твыра да сымыктыш тӱняште тудо шолын. «Марий Памаш» ансамбльын концертмейстерже лийын. Калыкле президент школышто пашам ыштен. Тыгак амалкалче семын тӱрлӧ вере концертын организаторжо лийын. Шкежат шуко вере мурызо семын выступатлен.

20 ноябрьыште тудлан 55 ий темеш ыле. Ыле шомак дене веле таче кодына.

Кугу чаманымашым ешыжлан, родо-тукымжылан каласена. Узьмакыште лий, Валерий Сергеевич…

Подробнее

Понедельник, 12 Октябрь 2020

"Шыже весела кумыл" мыскара концерт. Морко-влак

Рейтинг:   / 0

Уремыште мотор шыже кече озалана. Йырваш гын «керемет» коронавирус. Но Йошкар-Оласе Ленин лумеш тӱвыра полатыште Морко кундем гыч толшо мыскараче-влак озаланышт. Тыгай томаша 11 октябрьыште лие.

morko vesela

Нимо деч лӱдде толыныт да сайынак калыкым куандарен кодышт. Калык гына изиш чӱдырак ыле. Вет залыште кок пӱкен гыч веле шинчаш лиеш ыле. Да лӱдын толдымыжат лийыныт. Моланже умыледа шонем. Но калык толын. Шошо годсек тиде концертым вучен. А эн тӱҥже концерт тугай вашкен да писын эртен кайыш. Кеч кок шагат утла шуйныш гынат, жап ыш шижалт. Мучашлан пытыш мо? манын йодыш лекте.

Тӱҥалтышыштак ковай-влак мыскаралан корным почыч, «Рвезылык» куштышо ансамбль кумылым пуыш, а Морко кундем Изи Кушна ялын мыскарачыже-влак мыскара тамым ешарышт да концерт ик шӱлыш дене эртыш. Морко калык театр, Наталия Алексеева, Наталия Никифорова, Арын Чодраялын (Е. Семёнова ден В. Петров) мыскарачыже-влак да моло-шамычат  шӱм-чонымак чыгылтен нальыч. Чынак, Анна Васильевна Якушева, а тудо тиде программым чумырен, чаплын ужын моштен да оҥай артист-влакым конден. И муро и куштымаш, а мыскараже гын тесте наре ыле. Калык мучашыште кужу жап кид совышым ялысе артист-влаклан пӧлеклыш. Тыге кугу деч кугу таум ойлыш. А мый гын ешарынем. Умбакыжат Морко-влак, мыскара флагдам тыгак пеҥгыдын кучаш!

Кумылан-влак видемом тыште ончал кертыда.    https://youtu.be/AHJbRQ845N0

Подробнее

Среда, 05 Август 2020

ШОЧМО КЕЧЕ календарь. ИЮЛЬ 2020 ий

Рейтинг:   / 0

         ШОЧМО КЕЧЕ календарь. ИЮЛЬ 2020 ий.

Сӱрем тылзын теве тыгай марий эстраде артист-влак шке лӱмгече кечыштым палемдат.

3 июль – Анфиса Эманова (Чикаева)

3 июль — Ангелина Речкина

4 июль — Людмила Федорова

5 июль — Наталья Сидоркина

9 июль – Валерий Садретдинов

9 июль – Татьяна Степанова (Морко Таня)

13 июль – Русалина Исламгалиева

19 июль – Марина Почтенева

26 июль – Руслан Янситов

30 июль — Вильсур Хамеев

Уверым  ВКОНТАКТЕ сайтышке пурен тичмашрак пален налаш лиеш.

Подробнее

Воскресенье, 24 Май 2020

ШОЧМО КЕЧЕ календарь

Рейтинг:   / 0

Сайтыштына у палдарымаш-влак улыт. Йолташ-влак, тыште артистна-влакын шочмо кечыштым пален налын, мотор шомакым муын саламлен кертыда. MARISONG cайтна тидлан чыла йӧным ыштен.

Теве 2020 ий МАЙ да ИЮНЬ тылзын тыгай артист-влак ЛӰМГЕЧыштым палемдат.  Тыланда писынрак муаш манын вигак ссылке-влак улыт. МАЙ да ИЮНЬ кугун возымо мут-влакым темдалза да пурыза.  ЛӰМГЕЧыштым мутым темдалын саламлымаш шомак-влак муаш йӧн уло. Шарныза, йӧратыме артистда-влак тендам йӧратат да нунат изи гына поро шомакым эреак вучат. Ида чамане мутдам. 

Подробнее