MARISONG.RU

ШОЧМО КЕЧЕ календарь

• 
• 

Информаций:

Публиковатлыме: 24.05.2020 14:36

Уемдыме 24.05.2020 16:37

Автор: Карпов С.В.

Категорий Новости

Рейтинг:   / 0

Сайтыштына у палдарымаш-влак улыт. Йолташ-влак, тыште артистна-влакын шочмо кечыштым пален налын, мотор шомакым муын саламлен кертыда. MARISONG cайтна тидлан чыла йӧным ыштен.

Теве 2020 ий МАЙ да ИЮНЬ тылзын тыгай артист-влак ЛӰМГЕЧыштым палемдат.  Тыланда писынрак муаш манын вигак ссылке-влак улыт. МАЙ да ИЮНЬ кугун возымо мут-влакым темдалза да пурыза.  ЛӰМГЕЧыштым мутым темдалын саламлымаш шомак-влак муаш йӧн уло. Шарныза, йӧратыме артистда-влак тендам йӧратат да нунат изи гына поро шомакым эреак вучат. Ида чамане мутдам. 

тӱрысрак

ШОЧМО КЕЧЕ календарь. АВГУСТ 2020 ий

• 
• 

Информаций:

Публиковатлыме: 23.05.2020 11:29

Уемдыме 05.08.2020 18:58

Автор: Карпов С.В.

Категорий Артисты

Рейтинг:   / 0

              ШОЧМО КЕЧЕ календарь. Август 2020 ий.

Сорла тылзын теве тыгай марий эстраде артист-влак  шке лӱмгече кечыштым палемдат.

1 август – Валерий Шамов

4 август – Генадий Тимеряев

8 август — Александр Речкин

10 август – Татьяна Денисова

17 август – Вероника Соловьева

20 август – Татьяна Фоминых

26 август – Татьяна Умурбаева

Уверым вконтакте сайт гыч налме. Пурен ончал кертыда.

тӱрысрак

"Курорт" клип. Йорга Каче

• 
• 

Информаций:

Публиковатлыме: 19.05.2020 08:40

Уемдыме 24.05.2020 17:07

Автор: Карпов С.В.

Категорий Новости

Рейтинг:   / 0

Тиде кечылаште марий эстраде мурызо Йорга Каче (Павел Филиппов) у клипым лукто. Шкеже палемдыме почеш тидым лукташ ныл ий кӱлеш лийын. Материал погынен, но

тӱрысрак

МАРИЙ ТВ канал вуча

• 
• 

Информаций:

Публиковатлыме: 08.05.2020 07:08

Уемдыме 24.05.2020 17:05

Автор: Карпов С.В.

Категорий Новости

Рейтинг:   / 0

Йолташ-влак! Тыланда пеш сай йӧн уло марий видео-влакым ик вере ончаш. ЮТУБ каналыште МАРИЙ ТВ манын возен шкаланда пеш шуко оҥай материалым муын кертыда. Айста рӱж тышке пурена https://www.youtube.com/user/marirecordstv/featured?view_as=subscriber. Палемден кодыман вашке каналыште 4 январьыште эртыше «Гармоньчо, куштымо семым» да 7 мартыште эртыше «Киров вел — мыйын шочмо вер» концерт программым ончаш лиеш.

тӱрысрак

ШОЧМО КЕЧЕ календарь. МАЙ 2020 ий

• 
• 

Информаций:

Публиковатлыме: 06.05.2020 09:25

Уемдыме 23.05.2020 09:14

Автор: Карпов С.В.

Категорий Артисты

Рейтинг:   / 0

МАЙ тылзе 2020 ийын  шочмо кечым палемдат.

3 май  -  Марина Садова                                                           

8 май  -   Жаудат Гильманов (композитор)

14 май  -  Наталья Богданова

15 май  -  Светлана Никитина

16 май  -  Анатолий Яваев 

21 май  -  Светлана Строганова

23 май — Марина Воронцова-Озеева

23 май  -  Валерий Чиванов (Валерий)

25 май  -   Геннадий Григорьев                                                            

28 май  -  Вячеслав Дудин

30 май  -  Людмила Иванова

31 май — Сергей Попов («Каче-влак» группо)

 

тӱрысрак

Артур Ефремов ош тӱня дене чеверласыш

• 
• 

Информаций:

Публиковатлыме: 06.05.2020 05:58

Уемдыме 06.05.2020 11:10

Автор: Карпов С.В.

Категорий Новости

Рейтинг:   / 0

Марий эстрадыште ойган увер. Чолга марий мурызо, самодеятельный автор, гармоньчо Артур Ефремовын 5 май 2020 ийыште шӱмжӧ кырымым чарнен. Тудо кужу жап автоаварий деч вара эмлымыверыште лийын ыле. Кугу ӱшан дене вучышна тӧрлана манын. Но ойган шинчавӱдлан веле кече тольо. Уке лиймыж дене марий эстрадына шуко йомдарыш. Вет тудо мастарлышке дене, койыш-шоктышыж дене калыкым, илыш кеч-могай неле-йӧсӧ гынат, куанен илаш таратен шоген. Кийыме мландет пушкыдо лийже. Тый мемнан шӱм-чоныштына ӱмырешлан кодат.

Надежда Васильева-Моисеева почеламутыштыже воза:

Ӱшанаш неле. Кийыме мландет пушкыдо лийже…

                                  Курымешлан кава шкеж дек нале,

                                  Шӱмешна шарнымашым коден.

                                  Лийыч волгыдо, самырык але,

                                  Илышна тыге, витне, пӱрен…

                                 Каласаш ок лий мут ден ты ойгым,

                                 Шучко омыла чынже чучеш.

                                 Мардежеш веселан лышташ лойгыш,

                                 А кастене шыпланыш йӧршеш.

                                 Чӱкталтеш шӱдыр тымык каваште,

                                 Палена, мыланна волгалтат.

                                Йоҥгалтеш ныжыл муро тораште…

                                Шӱшпыкна, чонешна тый кодат.

тӱрысрак

ЗОЯ БЕРНИКОВА - Россий Федерацийын сулло артистше

• 
• 

Информаций:

Публиковатлыме: 07.11.2019 07:17

Уемдыме 07.11.2019 07:25

Автор: Карпов С.В.

Категорий Новости

Рейтинг:   / 0

Зоя Берниковам шокшын саламена!

Шочмо элысе тӱвыра ден сымыктышым вияҥдымаште тыршымыжлан да шуко ий пайдалын пашам ыштымыжлан «Яков Эшпай лӱмеш Марий кугыжаныш филармоний» кугыжаныш автоном тӱвыра тӧнежын, «Марий Эл» куштышо кугыжаныш ансамбльжын артисткыже-вокалисткыже Зоя Васильевна Берниковалан Россий Федерацийын Президентше В. Путинын 2019 ий 21 октябрьысе 506 №-ан Указше дене «Россий Федерацийын сулло артистше» почётан лӱмым пуымо.

УКАЗ ПРЕЗИДЕНТА РФ ОТ 21.10.2019 N 506 «О НАГРАЖДЕНИИ ГОСУДАРСТВЕННЫМИ НАГРАДАМИ РОССИЙСКОЙ ФЕДЕРАЦИИ»

тӱрысрак

У книга! "МУРСЕСКЕМ" куаным ылыжта

• 
• 

Информаций:

Публиковатлыме: 30.10.2019 19:40

Уемдыме 31.10.2019 18:48

Автор: Карпов С.В.

Категорий Новости

Рейтинг:   / 0

У КНИГА!  «МУРСЕСКЕМ» куаным ылыжта.

Куженер район Йывансола ялыште шочшо «Мурсескем» ансамбль 40 ий наре калыкым куандара. Тудо тачылан калык ансамбль да тыгак Росийысе сулло коллектив лӱмым нумалеш. Икымше кече гычак тудым Евгений Каменщиков вуйлата. Тудат кызыт РФ-ысе тӱвыран сулло пашаеҥже. А тиде коллективым Марий тӱняште веле огыл, а тӱня мучко палат манаш лиеш. Тиде амал денак у книга шочын.

Искусствоведений доктор Олег Михайлович Герасимов тӱналтыш мутыштыже тыгерак воза. «Мурсескемлан» пӧлеклыме савыктыш – кӱлешан паша. Ансамбль нерген возымаште веле огыл. Тиде савыктышын эн суапле сомылжо – Шернур, Торъял, Кужэҥер кундемын мурсаскажым арален кодымаште. Тидлан ончыкылык тукым, мемнан калыкна кугу таум каласа.»

 

      

тӱрысрак

Вятские Поляны олаште "Угинде пайрем" мероприятий эртыш.

• 
• 

Информаций:

Публиковатлыме: 15.10.2019 08:07

Уемдыме 15.10.2019 09:48

Автор: Карпов С.В.

Категорий Новости

Рейтинг:   / 0

 13 октябрьыште Вятские Поляны оласе «Этномир» тӱвыра рӱдерыште «Угинде пайрем" йӱлам сценыште ончыктеныт. Сценыште оза ден озавате, шке ешыжым пайрем кечылан пырля поген, карт кугызам пелешташ ӱжын пайремым почыч. Карт кугыза семын сценыште, Кукмара район Кна вел гыч толшо Леонид Александрович Искаков лийын. Пайремым тӱрлӧ кундемла гыч толшо ансамбль-влак сӧрастарышт. Калыкат ятырак погынен ыле.

Пайрем пеш сайын эртыш. Сценыште пайрем йӱламат ончыктышт, ансамбль-влакат калыкым и муро и куштымаш и мыскара дене сымыстарышт. Сай мероприятийым ышташ полшымылан „Пеледыш“ ансамбльын вуйлатышыже да участникышт-влаклан кугу таум каласыман. Шуко жап шке шонат, шке койышан коллективым Искаков Юрий Александрович вуйлата. Пайрем мучаште поро шомакым каласаш да таумутым Вятские Поляны оласе тӱвыра отделым вуйлатыше лектын ыле. Моло-влакат куанен тау мутым каласышт.

 

Ик йомакысе семын умбакыже шуяш лиеш. Мыят тушто лийынам. Ужынам, колынам, кочкынам йӱынам… Интернет лаштыкыште уверым ужмеке ме, тиде марий вургемым ургышо „Сайвер“ ателье да С. Карпов, тыгак тиде пайремышке миен толаш кумылаҥна.

                                                       

Калык лиеш ала уке? Тыгай йодышым шкаланна шынден, ӧрынрак тушто мийышна. Пытартыш жапыште ала кузе да ала-молан мероприятийлашке калык коштмым чарнен. Но кунам фойеште калык погыныш да книга, марий вургем дене толын шогалын налашат кумылаҥыч гын, чонлан сай да ласка лие. Тыгай вашлиймашым вученыт. Шижалте калыклан тиде пайрем кӱлеш. А сценыште ончымо деч вара фойеште кушталтен муралтен капкылым лывыртен эртарыме деч вара тыгак вес гана погынат манын ӱшан чот пеҥгыдемдалте.

 

тӱрысрак

"Йоҥгалт гармонь йӱк" фестиваль визымше гана эртыш

• 
• 

Информаций:

Публиковатлыме: 10.10.2019 06:31

Уемдыме 10.10.2019 07:11

Автор: Карпов С.В.

Категорий Новости

Рейтинг:   / 0

Визымше гана Татарстан республике Агрыз район Буймо селаште гармоньчо-влакым ушышо «ЙОҤГАЛТ ГАРМОНЬ ЙӰК» фестиваль эртыш. Тиде ганат тудо тӱрлӧ кундемла гыч толшо-влакым, а тиде шке гармонь дене тунемше да шоктышо, тыгак профессионал семынат тунемше да пашам ыштыше-влак, ик сценыште шке мастарлыкыштым ончыктышт. Юзо семӱгар дене поро йолташ-влак Пошкыр вел гыч, Удмуртий кундем гыч, Марий Эл гыч да шке Татарстан республике гычат улыт ыле. Мӱндыр Свердловск ола гычат унам вучен шуктеныт.

Тиде фестивальын идейный вдохновительже Владимир Кибатовын шонымыжо йоча-влакымат, кугуеҥ-шамычымат ик сценыште ушыш. Но каласыман ик шоныш дене гына ок лий. Шкетын гына тыгай чапле мероприятийым эртарен от керт. Полышкалыше-влакат ятырын улыт. Клуб пашаеҥ-влакат, калыкат да и администарций велымат поро шӱлыш палдырныш.

Владимир Дмитриевичын шукерте огыл ик шонымаже шочын ыле. «Кӱсле ялыште йоҥгышаш» манын калыкым сымыстарен кертын. Тиде амал дене 2 кӱслем заказатленыт. 70 тӱжем теҥге оксам калык деч поген, семӱзгарым клублан кучыктеныт. Вот тиде гын чынак пеш чапле сомыл. Кузе фестиваль годым Владимир Дмитриевич палемдыш, «ялыште кӱсле сем иктаж 70–80 ий йонген огыл, а тиде чылт марийын семӱзгарже да тудо марий чоным куандарышаш». Лийже, куандарыже, кумылым пуен шогыжо шке юзо йӱкше дене калыкым юзо семӱзгар.

 

 

 

 

 

 

 

 

 

 Мыят тушто лийым. Ятыр йолташ-влакым ужым, ужалкалышым, ончен куанышым, канышым да кугешнен тольым. Тек умбакыжыт тиде фестиваль калыкым куандара да кужу ӱмыран лиеш.

 

  

Марий кундем гыч «Шайра»ансамбль (Волский р-н вуйл. Н. Николаева), «Семэҥер» (Д. Афанасьев да Л. Сидоркина), РФ тӱвыран сулло пашаеҥже Арсений Яйцов, тыгак Марий тӱвыра рӱдерын пашаеҥже да гармоньчо Эльвира Петрова, «Мурпеледыш» ансамбль, кӱслезе-влак О. Богачева да Т. Фоминых лийыныт.

тӱрысрак