MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/

у ий дене!!! Реклама

 

2014

Кушкыжмо, 11 Ӱярня 2014

Мыняр ийым илыме

Рейтинг:   / 0

Мыняр ийым илыме

Мо шотлен пайда?

Шочмо кечын ойлымым

Угыч ойлена:

«Ит черлане, ит шоҥгем,

Ит ойгане тый.

Эше шуко шочмо кечым

Веселан вашлий!»

тӱрысрак

Я нелылык годым шижат воктене

Рейтинг:   / 0

Я нелылык годым шижат воктене,

Але ужат шинчаште.

Тек ок тӱкӧ ойго,

Чолга Шӱдырла йолго!

тӱрысрак

Мом тыланаш, ом пале

Рейтинг:   / 0

Мом тыланаш, ом пале.

Мутат уке, пиалым,

Вет пиал чыла вере ила:

Пеледышыште да чонышто,

Южгунамже семыште

тӱрысрак

Мо ыш керт шукталтын — шукталтше

Рейтинг:   / 0

Мо ыш керт шукталтын — шукталтше,

Ойгет кугу уло? Мондалтше!

Тек поро толеш ешаралт,

Илышда тек лиеш пиалан да волгалтше.

Мастарлыклан лекше талант.

тӱрысрак

Ме тыйым таче эн порын

Рейтинг:   / 0

Ме тыйым таче эн порын,

Эн шокшын саламлена.

Да чоным почын раш каласена:

«Лий пиалан, поян, таза да тале!»

тӱрысрак

Лий эре тый пиалан

Рейтинг:   / 0

Лий эре тый пиалан,
Ит пале ойгым нигунам,
Да шарне: икшыве-влакет
Лийыт курымешлан пеленет.

тӱрысрак

Лийже кумылет эреак поро

Рейтинг:   / 0

Лийже кумылет эреак поро,

Лийже илышетше пиалан,

Эр кече гай волгалтше ӱмыр корно,

Саламлена ме тыйым курымлан!

тӱрысрак

Лий кужу ӱмыран да тичмаш пиалан

Рейтинг:   / 0

Лий кужу ӱмыран да тичмаш пиалан,

Лий тыгаяк уста кид-йолан.

Патыр вийым, шийвундым, ешетлан перкем

Тек тылат Юмо конда эре.

тӱрысрак

Кочшаш киндет перкан лийже

Рейтинг:   / 0

Кочшаш киндет перкан лийже,

Йӱшаш вӱдет яндар лийже,

Коштмо корнет тӧр лийже,

Ӱмырет кужу лийже.

тӱрысрак

Изарня, 06 Ӱярня 2014

Йоҥта поро мут пайрем кечын

Рейтинг:   / 0

Йоҥта поро мут пайрем кечын.

Чонда ынже шорт, айманен.

Шӱм-чондаже куан дене темын,

Мураш-кушташ тарвата.

тӱрысрак

Илышда лийже волгыдо

Рейтинг:   / 0

Илышда лийже волгыдо,

Кумылда эре поро,

Пиал да тазалык лийже тендан.

Лийже кужу ӱмырда эше,

Корныда вияш,

У сеҥымашке ӱшанлын эрташ

Лийже эше эн ӱшанле йолташ.

Кажне пеледышын уло шке палыже:

Нарынче, ошо, йӧшкарге, кына,

Илыш садвечыдам пеледыш тек ойлыжо,

Шыргыжышт ныжылгын, порын гына.

Кучыктат гын аршашым, куаныше.

Муро турий гаяк лай кумылет.

Илыш чеверым ончалын, ме кажныже,

Илыш — пеледыш», — коклан ойлена.

тӱрысрак

Илыш корныш чыланнам те лукда

Рейтинг:   / 0

Илыш корныш чыланнам те лукда,

Тау ныжыл, поро кумыллан.

Ойлена йомартлын таче угыч:

Тек эре лийже пеленда куан.

Илыш вийым эре пуэн шогыжо,

Кече шыман эре тендам вӱчкыжӧ,

Тек у кече ӱмырым шуя,

Да пиалым веле пӧлекла.

Илышыште сайым веле

Тыланда тыланена:

Кечым гын, чеверым,

А кавам — яндарым,

Ныжылге ончалтышым эше.

тӱрысрак

Ида ойгыро, ида коляне

Рейтинг:   / 0

Ида ойгыро, ида коляне,

Веселитлыза шер теммеш,

Эртен кайыше тиде кечым

Огыда пӧртылтӧ уэш.

тӱрысрак

Лийза эре пиалан

Рейтинг:   / 0

Лийза эре пиалан,

Таза, поро кумылан,

Шӱшпык гае йоҥгыза,

Вычыл-вычыл илыза.

тӱрысрак

Ах, шагал огыл кандашле...

Рейтинг:   / 0

Ах, шагал огыл кандашле…

Илышыште ыштыме эртыш корно.

Эре пеледыш лийын огыл.

Но корнет гыч торлен отыл,

Лиедалтше нелылан вуйым пуэн отыл.

Лийын корштыш — нюслен отыл,

Эре кодынат тый тугаяк

Шуко идалыклан, йывыртыше кечылан.

Шочмо кечет дене саламлена,

Таза лий, кужу ӱмыран,

Шер теммеш иле волгыдо чонан!

Ах, шагал мо ты кандашле?!

Илыш эртышыс кужун.

тӱрысрак

70 ийым пуэнат пашалан

Рейтинг:   / 0

70 ийым пуэнат пашалан,

Шуко вийым пыштенат йочалан,

Лий эре тыгаяк куатан,

Шке ешетлан эн чот кӱлешан.

тӱрысрак

Тиде шымлымше лӱмгечын

Рейтинг:   / 0

Тиде шымлымше лӱмгечын

Сай шомакым ойлена:

«Юмо шке пӱрен пиалым —

Вич икшывым ончаш-кушташ,

Нуно тек кондат куаным,

Вет полшенда те ончаш.

Шӱм-чон гоч чот шоҥешталтын

Шомакна — тендан лӱмеш.

Ойлена ме «тау» мутым,

Садак парымна кодеш.

Таза лийза те вурс гае,

Ныжыл шоҥгылык, пиал,

Кужу ӱмыр пелен лийже,

Да шукталтше мутнан вийже!

тӱрысрак

70 ий темын тылат

Рейтинг:   / 0

70 ий темын тылат,

Пиалан илышлан вуйын шого,

Йӧратыме ачана!

Нигунам ит лий тый шоҥго —

Ешара усталыкет, —

Ӱмыр корно шуйна шӱдыш,

Тидлан ме куанена.

Осал шонышо вел лӱдшӧ,

Кӧжӧ шылтен коштеш ӱшым.

тӱрысрак

Пуалтын илыш икте веле

Рейтинг:   / 0

Пуалтын илыш икте веле.

Садлан пайдалын илыман.

Кеч южгунам лиеш дыр неле,

Кузе-гынат чытен лекман.

Да шокшо мутым ушыш налын,

Тыйым чот саламлыме шуэш:

Тыланена кугу пиалым,

Тек ӱмырет эше кужу лиеш.

тӱрысрак

Ий-влак эртат — ит ойгане

Рейтинг:   / 0

Ий-влак эртат — ит ойгане.

Илыш тыгай, мом ыштет.

Кеч-мыняр ий тылат темже,

Самырыкак лияшак тырше.

тӱрысрак

65 ий — кӱчык корно огыл

Рейтинг:   / 0

65 ий — кӱчык корно огыл,

Ятыр йӱштӧ, шокшыжат пернен.

Шере-кочо илыш корнын тӧрсыр

Ышт керт тыйым садак пӱгыртен.

Лий эре тыгаяк поро, ныжыл,

Тек чал пырче возын вуйышкет.

Кажныжлан кӱлеш таза улмет.

Ынже воло поро кумылет.

Йӱшто-шокшым шуко чытенат,

Йол ӱмбак мемнам шогалтенат,

Эн ушан эҥертыш тый улат,

Кечыйол гай мыланна кӱлат.

тӱрысрак

Ӱмыретын порсын шӱртӧ

Рейтинг:   / 0

Ӱмыретын порсын шӱртӧ

60 ийым чумырен.

Мундыратше ынже шӱртньӧ,

Жапым тушко пӱтырен.

Шоныметым турыс шукто,

Лий таза да весела,

Муралталын веле колто,

Кӱшыч тек пиал вола!

тӱрысрак

60 ийым теменат — саламлена

Рейтинг:   / 0

60 ийым теменат — саламлена,

Жапше тыйым йӧршынак ок шоҥгемде.

Пайрем гаяк лийже илышет,

Лийже пеҥгыде тазалыкет.

тӱрысрак

50 ий

Рейтинг:   / 0

50 ий!

Илышетын вес пел курымыштыжо

Тыйым эре сылне, поро кумыл веле

Авалтенак шогыжо.

Ӱмырет лийже пиалан.

Кумда, ямле илыш корным

Юмо пуыжо эрелан.

тӱрысрак

Ит ойгане, ӱпет чалемеш гын

Рейтинг:   / 0

Ит ойгане, ӱпет чалемеш гын,

Йогын семын ийгот эрталеш.

Пӱрымаш деч иктат огеш утло, —

Чонеш пале кышам шавалеш.

Тек пиал шӱдыр йӱла ӱмбалнет,

Тек таза шӱлыш лиеш чоныштет.

Тек кажне кече оҥайын эрта,

Лачак куаным веле конда!

тӱрысрак

Кажне ийже шергакан

Рейтинг:   / 0

Кажне ийже шергакан —

Эрталеш вет ӱмырнат,

20-ат, 30-ат огыл таче,

Таче 50 ий тылат.

Эше иле лач тунарак.

Таза лийже курымет,

Темже чес ден сурт-печет!

тӱрысрак

Илышыште мо сай уло

Рейтинг:   / 0

Илышыште мо сай уло,

Лийже тыланда чыла.

Талгыдыла тольо, чулым,

Таче витльым темеда.

тӱрысрак

Илышет волгалтше курым-курымлан

Рейтинг:   / 0

Илышет волгалтше курым-курымлан,

Пале: ончылнетше корно пиалан,

Мыланна улат тый шокшо кумылан,

Самырык эре да поро шӱм-чонан,

Лийже ешыштет ласкалык да куан,

Сеҥымаш, тазалык кеч-кунам.

тӱрысрак

Пагалыме пайремоза!

Рейтинг:   / 0

  Пагалыме пайремоза! Таче эр кеҥеж кече гай нӧлталтше кумылет! Тыланем тыланет илышыштет эн кугу пиалым муаш! Тек кажне кечет лиеш эн сылне, эн йомартле. Эре почылтшо лийже еҥлан шӱм-чонет.

тӱрысрак

Йӧратыме ӱдырна, тыйым 18 ийым

Рейтинг:   / 0

  Йӧратыме ӱдырна, тыйым 18 ийым темымет дене саламле­на. Йомакысе пӱчӧ гай писе кид-йолан, кеҥежымсе лыве гай куштылго кап-кылан, ӱй гай вужга кумылан, мужыр йӱксӧ гай пиалан лияш тыланена.

тӱрысрак

Ик эн сылне, вучымо пагытше дене

Рейтинг:   / 0

  Ик эн сылне, вучымо пагытше дене, 18 ийже дене (лум) саламлена. Шошо кечын ужар сывынже дене вӱдылалтын, чон моторлык дене шулдыранын, тек тиде юмын пӱрымӧ сылне кечын шӱм-чоныштет ныжылгылык илана, тек чон шокшет, поро шинчаончалтышет, ачат-аватын тыланет верч вуйын шогымышт арамеш огыт код. Тек тыйын йыр курым-курымешлан неле-йӧсӧ пагыт годым полышым шуялташ ямде ачат- ават, поро йолташет, родо-влак лийыт. Тек илыш вийым кечын ешарен шогет да шӱмыштет эреак мотор шошо пеледыш да яндар йӧратымаш волгалтыт!

тӱрысрак

Кеч-куштат пиал шыргыжше

Рейтинг:   / 0

Кеч-куштат пиал шыргыжше,

Илышет тыйын лийже эре весела,

Ушешет чыла сай гына кодшо,

А ойгет тек эр лупсла шула.

тӱрысрак

Илыш лийже сылне, поро

Рейтинг:   / 0

Илыш лийже сылне, поро,

Ӱмыр лийже пиалан,

Кумда, ямле илыш корным

Юмо пуыжо эрла.

Канде каван волгыдыжым,

Чевер кечын шокшыжым,

Леве йӱрын лыжгалыкшым,

Яндар эр южын ласкалыкшым,

Ӱмыр касын тымыкшым

Да пӱртӱс моторлыкым,

Памаш вӱдын тамлыжым,

Киндын тутло ямлыжым

Тыланен кодам.

тӱрысрак

Илыш корнет волгыдо лийже

Рейтинг:   / 0

Илыш корнет волгыдо лийже,

Шӱм-чонетым тек ойго ок коч.

Кеч-кунам, кеч-куштат пиал шыргыжше,

Тек ласка кумылет нигунам огеш код.

тӱрысрак

Илыш вийым пуэн

Рейтинг:   / 0

Илыш вийым пуэн,

Кече шыман вӱчкыжӧ,

Ты кече ӱмырым шуен,

Тазалыкым пӧлеклыже.

тӱрысрак

Ий-влак эртат вӱдйогын деч писын

Рейтинг:   / 0

Ий-влак эртат вӱдйогын деч писын,

Самырык пагыт омеш лач конча,

Но тый ит ойгыро — эрта тек ӱмыр,

Тыгаяк чулым улат да чолга.

тӱрысрак

Вуй ӱмбалне каваже кодшо канде

Рейтинг:   / 0

Вуй ӱмбалне каваже кодшо канде,

Тек илышетше йоҥгыдо лиеш.

Иле эре йолташет коклаште!

Пиалым да тазалыкым тыланыме шуэш.

тӱрысрак

Весела да кумыл нолтшо тулым

Рейтинг:   / 0

Весела да кумыл нолтшо тулым,

Сай тазалыкым тыланена.

Лийже ешыште ласка илыш,

А пашаште сеҥымаш гына.

тӱрысрак

Сылне пайрем дене шокшын-шокшын саламлем

Рейтинг:   / 0

  Сылне пайрем дене шокшын-шокшын саламлем. Лий пиа­лан, весела кумылан, таза шӱлышан да тыгаяк поро, шыма акай да мариетлан пелаш. Куане, пелед, моторешт.

тӱрысрак

Тыланена эҥерысе кол гай модын

Рейтинг:   / 0

  Тыланена эҥерысе кол гай модын, вараксим гай вычыматен илаш. Пиалан кечыйол чурийдам шыматыже, ӱмырда шуйналт вочшо эҥер гай кужу-кужу лийже.

тӱрысрак

Уло шӱм-чон дене тыланена

Рейтинг:   / 0

  Уло шӱм-чон дене тыланена кужу ӱмырым илаш, пашаште сеҥымашке шуаш, пиалан еш илышым, пеҥгыде тазалыкым…

тӱрысрак

Тыланена шурнан пасу гай поян

Рейтинг:   / 0

  Тыланена шурнан пасу гай поян, пеледышан олык гай че­чен, эр лупс гай яндар илышым, шӱшпык гай весела кумы­лым, пелед шогалше олмапу садвече гай чон моторлыкым…

тӱрысрак

Йӧратыме ӱдырамаш-влак, саламлена

Рейтинг:   / 0

  Йӧратыме ӱдырамаш-влак, саламлена тендам 8 март пай­рем дене да тыланен кодына нимучащдыме ласка илыш кор­ным, кумда нурла шарлен вочшо кугу пиалым, кӱ курык гай пеҥгыде тазалыкым, вуй ӱмбалне шӱшпык сем дене темше канде кавам, чон ласкалыкым да весела пӱрымашым. Тек пай­рем кечыда эрелан ушешда кодеш.

тӱрысрак

Акаланна, шӱжарланна йолгорно гай ӱмырым

Рейтинг:   / 0

  Акаланна, шӱжарланна йолгорно гай ӱмырым, писте гай пушкыдо кумылым, тумо гай пеҥгыде тазалыкым, чурийыштыда пайрем тӱсым, янда гай яндар кавам тыланена.

тӱрысрак

Тыланена ош лум гай яндар кумылым

Рейтинг:   / 0

  Тыланена ош лум гай яндар кумылым. Шӱм-чонышкет поран ынже пуро, ныжыл кумылет памаш вӱдла эре йоргыктен йогыжо.

тӱрысрак

Пелед шогалше ош ломбо пеледыш гай

Рейтинг:   / 0

  Пелед шогалше ош ломбо пеледыш гай ныжылге кап-кылан, чевер снеге гай чуриян йӧратыме пелашем. Мотор чуриетым куан тул эре волгалтарен шогыжо, пиалет леҥеж тӱр гоч ташлен лекше. Тек илышет вӱд гай яндар, мланде гай поян лиеш.

тӱрысрак

Ковай, чоныштет ош ландыш пеледалтше

Рейтинг:   / 0

  Ковай, чоныштет ош ландыш пеледалтше, кумылет эре шошо кече гай лийже, шоҥго могырет лыве гай куштылго, вуй ӱмбалнет эн сото канде кава лийже.

тӱрысрак

Чыла тӱҥалын ӱдырамаш деч

Рейтинг:   / 0

  Чыла тӱҥалын ӱдырамаш деч. Мемнан ныжылге авайна, пагалыме ковайна, шочмо ака-шӱжарна, йӧратыме пелашна-влак, изи падырашна-влак, чӱчӱньӧ, кокай-влак! Мыняре шукын те улыда! 8 Мартым тыланда волгыдо, яндар, тыматле пайремыш савыраш тыршена. Тек ончыкшым илышдам кечан ош кече, чевер-ал ӱжара, лыжга лай мардеж, яндар памаш шинча да сылне марий муро курымеш волгалтарен шогат.

тӱрысрак

Эрдене кынелам, пожалтын

Рейтинг:   / 0

Эрдене кынелам, пожалтын,

Тыйым ӧндалам — чонем ыра.

Да пуйто мый каваш нӧлталтым,

А чон туге шӱшка, мура!

Тыйын поро, шокшо шомакетше

Мылам ласкалыкым конда.

Лыжган ончалын воштылметше

Шӱм-чон куаным шочыкта.

Иӧратымем! Март пайрем дене!

Лий пиалан, ныжылге да поро,

Эртак тый лий мемнан пелен гына.

тӱрысрак

Шӱмбел-влак! Шӱмыштӧ те иледа

Рейтинг:   / 0

Шӱмбел-влак! Шӱмыштӧ те иледа.

Лийже орлыкдымо кугу тӱняда.

Авана семынак кужу деч кужу

Пиалан ӱмырым илена шер теммеш

тӱрысрак

Вӱргече, 05 Ӱярня 2014

Тек тыланда пеледыш эн йомартле пеледеш

Рейтинг:   / 0

Тек тыланда пеледыш эн йомартле пеледеш,

Шӱшпык мурын ломбер тыланда вел лиеш,

Тек кава кандын-кандын уэш волгалтеш,

Шӱмышкӧ ямле сем толын шолеш.

тӱрысрак

Тек ал роза илыш корныдам леведше

Рейтинг:   / 0

Тек ал роза илыш корныдам леведше,

Кугу пиал да сеҥымаш эре лиеш.

Шӱм-тул йӧратымашда ынже йӧрӧ,

Кужу лийже, таҥ-влак, сайын пӧрдшӧ.

тӱрысрак

Тыланет ойлынем

Рейтинг:   / 0

Тыланет ойлынем,

Тыланет мурынем,

Лиям кече изи чоныштет.

Мый ойгетым тоем,

Куанетым пайлем,

Куанетым шижде ылыжтем.

тӱрысрак

Тек пеледше сылне шошо

Рейтинг:   / 0

Тек пеледше сылне шошо

Шӱмешна шыҥен кодеш.

Йӧраташ эн шокшын-шокшын

Тек эре мемнам ӱжеш.

тӱрысрак

Лий эре мотор, чевер пызле гай

Рейтинг:   / 0

Лий эре мотор, чевер пызле гай,

Йуло яндарын пеледыш коклаште.

Лий тый чылалан эре йӧратыме,

Шыргыж кондо чылалан пиалым.

тӱрысрак

Могай пӧлекым тыланет ышташ

Рейтинг:   / 0

Могай пӧлекым тыланет ышташ,

Могай шомак ден тыйым саламлаш,

Кава гыч шӱдырым я тылзым волтышаш,

Я лӱмын мурым, уым, мурышаш?

Мый тыланем тылат, йӧратымем,

Март пайрем ден шокшын саламлем,

Пайрем касет тек весела лиеш,

Пиал корнет тек утыр кужемеш.

тӱрысрак

Йӧрате тый шкендым, йӧрате

Рейтинг:   / 0

Йӧрате тый шкендым, йӧрате,

Воштончыш вокгене кастене

Тӱсетым моторын тӧрлате.

Йӧрате тый шкендым, йӧрате.

Чамане тый шкендым, чамане.

Лыжга шомак дене шымате,

Пелеште сай мутым, куане.

Илет гын куатле тӱняште,

Чамане тый шкендым, чамане.

тӱрысрак

Весела да кумыл нӧлтшӧ тулым

Рейтинг:   / 0

Весела да кумыл нӧлтшӧ тулым,

Эр ӱжарала волгалтше илышым,

Мамык гай пушкыдо кумылым,

Тазалык ден пиалым тыланена.

тӱрысрак

Пиал дене, таҥ ӱдырамаш-влак

Рейтинг:   / 0

Пиал дене, таҥ ӱдырамаш-влак,

Пайремда дене, чечен ӱдыр-влак.

Тыланда — ал пеледыш, чевер шошо кече,

Чылажат тыланда, тыланда, тыланда!

тӱрысрак

Таче тылат 55

Рейтинг:   / 0

Таче тылат 55,

Таче тыйын юбилей,

Тыланымашна тыгай:

Иле шуко, пиалан лий,

Шӱм-чонет ден ит шоҥгем,

Эре таза, чулым лий.

Кодышт пеленет эре

Чолга да куанле вий.

тӱрысрак

Визытым да визытым возем

Рейтинг:   / 0

Визытым да визытым возем,

Ончо, теве лекге саламем.

Вуйым сакалташ ит вашке,

Шыргыжал эше, Авай!

Лийже кужу ӱмырет,

Лийже таза шӱм-чонет,

Лийже шуко куанет,

Лийже сылне илышет!

тӱрысрак

Ий ден ий эртат пеш писын

Рейтинг:   / 0

Ий ден ий эртат пеш писын,

Кеҥеж, шыже, телыжат…

Да кузе кучаш лиеш гын

Нунын куржмыштым ала?

50 ий шиждегеч тольо,

Модын-воштыл веселан.

Мом ыштет, жапна ок шого,

Мландына пӧрдеш виян.

Но ида ойгане, тудо,

Илыш, вет тугай мемнан.

Тудынат законжо уло,

А законлан тунемман.

50 ий ден, юбилей ден

Шокшын ме саламлена.

Иле, авай, куаналын,

Таза лий тый пеленна.

тӱрысрак

Ӱмыр, кечым тый ит шотло

Рейтинг:   / 0

Ӱмыр, кечым тый ит шотло,

Тек кая, куржеш, йога.

Лийже икте — чон куанлык,

Поро кумыл, чын паша.

тӱрысрак

18 ий — эн мотор

Рейтинг:   / 0

18 ий — эн мотор, сылне жап ӱдыр-каче ӱмырыштӧ. Илыш курымышто ик гана веле лиеш. Садлан кӧра (лӱм) пайремже дене шокшын саламлена. Тыланена тылат чыла, мо дене илышна поян: кече деч шокшым, еҥ деч порым, йолташет деч ӱшаным. Тек лиеш тыйын илышет памаш вӱд гай яндар. Тек тыйын ӱмбакет шӧртньӧ йӱр йӱреш. Тек корнет волгалтара волгыдо йӧратымаш. Лий эре поро, весела, пеҥгыде, таза!

тӱрысрак

Латкандаше тылат

Рейтинг:   / 0

Латкандаше тылат —

Йол ӱмбак шогалат,

Илыш корныш чымалт,

Шӱдыр семын волгалт!

тӱрысрак

Весела да кумыл нӧлтшӧ тулым

Рейтинг:   / 0

Весела да кумыл нӧлтшӧ тулым,

Эр ӱжарала волгалтше илышым,

Мамык гай пушкыдо кумылым,

Тазалык ден пагалымашым,

Шочшо-влак верч куаным

Ӱмыр мучкылан тыланена.

тӱрысрак

Шочмо кечет ден саламлена

Рейтинг:   / 0

Шочмо кечет ден саламлена,

Уло шӱм-чон ден тыланена:

Эр кечым куанен вашлий,

Кужу ӱмыран тый лий.

Эртен кайыже ойгет,

Пиал ден темже ӱмырет.

тӱрысрак