MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/

Вӱдшор 2017

Изарня, 27 Вӱдшор 2017

«Йӧра, кеч уло гармонем.»

Рейтинг:   / 0

Гармоньым налын кидышкет,

Чонетым лыпландарышыч,

Рат ден темдалын полдышет,

Шӱм семым йоҥгалтарышыч.

Тыгерак Ираида Степанова шке почеламут корныштыже воза. Ялыште илыме годым лач тиде инструмент тӱвыра да сымыктыш тӱняште илыше-влакын воктелныжак улеш.  А творческий шӱлышан айдеме шкаланже тушто семым муын у мурым шочыкта. Тыгерак муро-влак шонем, ялыште илыше-влак коклаште шочеш. Шочшо муро кугу тӱням ужшаш. Пытартыш жапыште Марий Эл радио улмо дене самодеятельный автор-влакын мурышт  ятырак радиошто улыт.

Но мурым шочыктышо тиде мурым шукыж годым ик семын шижеш, а мурызо вес тӱсым ешара. Авторлан тидын дене келшаш веле логалеш.

Ме тыгак муро возышо автор-влакым шукыж годым огына пале. Вет мурым мурызо луктеш. Да муро тудын «лиеш». Чыла тидым ужын, шоналтен «Йӧра, кеч уло гармонем» проект шочо. Тений 5 апрельыште кокымшо гана эртыш. Тиде ийын эше вес шонымаш дене пырля ыштышна. Тиде вӱдшор тылзын визымше кечынже  «ТОВЛО» кечым палемдаш шонен пыштышна. Шонымашна-влак шукталтыч. Калык рӱж совым кырен, мучашыште куанен,  тау шомакым ойлен концерт гыч лектын кайыш. Вес ийын адак вашлимашна лиеш манын шонена. Вашлиймеш.

Кӧ сценыште лийын нуным фотошто ужын кертыда. Кушечын улыт манын списокыштым ончалза.

Икымше радам (шола гыч пурлашке): Михаил Веселов (Параньга р-н), Геннадий Лебедев (Волжский р-н), Людмила Карпова, Александр Калинин (У Торъял р-н),   Юрий Иванов (Морко р-н), Иван  Малышев (Медведево р-н),  Евгений Филиппов (Звенигов р-н)

Кокымшо радам (шола гыч пурлашке): Сергей Карпов, Алексей Иванов (Звенигово р-н), Олег Бакутов (Волжский район), Светлана Медведева (У Торъял р-н), Вадим Краснов (Морко ра-н — Й-Ола), Элла Золотова (У Торъял р-н), Анна Ягодарова (У Торъял р-н), Сергей Милютин (Шернур р-н), Людмила Иванова да Людмила Григорьева (Морко р-н)

Кумшо радам (шола гыч пурлашке): Петр Андреев (Звенигово), Александра Ермакова (У Торъял р-н), Василий Кузнецов (У Торъял р-н),  Дмитрий Афанасьев (Унчо — У Торъял р-н), Олег Иванов (Морко р-н),  Валерий Тихонов (Морко р-н — Й-Ола),  Андрей Иванов (Морко р-н),  Виталий Яндыганов (Тошто Торъял), Евдокия Яндыганова (У Торъял р-н),  Анатолий Блинов (У Торъял р-н)

тӱрысрак

Шочмо, 17 Вӱдшор 2017

«Эй, гармоньчо, куштымо семын!»

Рейтинг:   / 0

 

Кокымшо ий почела «Эй, гармоньчо, куштымо семын.» концерт программе эртыш. Тудо Йошкар-Оласе Ленин лӱмеш тӱвыра полатыште 25 февральыште гӱжлыш. 16 шагат гыч 19 шагат марте калык шулен ончыш.

Тыгай сынан фольклор концерт-влак ятыр эртат. Но тиде проектын шке ойыртемже уло. Тыште  тале гармоньчо-влак концертым почыт да петырат, тыгак  вес кундемла гыч гармонист да коллектив-влак ушнат. Тений Киров вел Уржум ола гыч «Уржум вел» да тыгак Пошкырт вел Мишкан район Ардаш ял гыч «Акарт» ансамбль учатвоватлыш.

тӱрысрак

Реклама