MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/
1Рейтинг:   / 2
НачарынПеш сай 

 Корно валне. Угыч ӧраш логале.

Тиде корно дене ийлан иктаж кум – ныл ганаже каяш логалеш. Да чыла ынде палымыла чучеш. Еҥжат родо-тукым гаяк улыт. Но угычын эртыме годым адак ӧрын да кугешнен тольым.  А миен толашыже лач У Торъял район Кузнеч ял гычын «Весела-кова-влак» да «Келшымаш» фольклор ансамбль дене логале.

Корным каласыман навигатор деч сайрак палем.

Но содыки, мыланемат ондак, Уржум ола Марий Элыште илыше-влаклан ала-молан тораште улмыла чучеш ыле. Тыште эн тӱҥ амалже сай асфальт

корно уке. Тыгеже Шернур гыч Уржум марте Сысово могырым кает гын 77 меҥге веле лиеш.

Теве ансамбль-влак дене кайыме годым водитель йодо:

- Кушто Марий Элже пыта?

- Кунам коварчыкет тӧрштылаш тӱҥалеш тунам и марий кундем мучашлалтеш –вашмутым шыргыжалын пуышым. Вет лач чек марте асфальт корно уло, вара чодыра корно кая. Шошым, шыжым, да кеҥежым йӱран  кече годым корно уке. Телым да кеҥежым  эрыктен тӧремден шогат. Мландыже пеш шунан, кеҥежым, йӱран  игече  годым, каен от керт. Кызыт корно уло, сандене мардеж гае писын миен шуна.

Тыште гын пеш поро кумылзак еҥ Алевтина Владимировна Курочкинам сайын пашам ыштен. Тиде ганат калык шукак погынен ыле. Тиде айдеме дене кугешнен гына таум  каласыме шуеш. Теве пытартыш кум ий жапыште Уржумышто тудын полшымо дене «Марий памаш» да «Чодра сем»,  «Поро кас» (Ондропсола) да «Пӧлек» (Шернур) фольклор ансамбль-влак тыгак «Шуматкече» ансамбль лийыныт.  Теве «Весела кова-влак» да «Келшымаш» фольклор ансамбль-шамыч калыкым куандарен тольыч. Вот тыгай еҥ-влак шукырак лийыт гын. Шкеже Алевтина  Сысоево ӱдыр Уржумышто шукертак лакемалтын да пытартыш жапыште пеш кугу пашам ыштен шога.

. Киров кундемыште эртыше концертыш  «Весела кова-влакым» ончаш лӱмынак Марий Элысе Сысоево гыч толыныт ыле. Ӧраш веле кодо

Уржум деч вара корнына Кугу Ройышко лупшалте.  Изи гына шокшо клубышто шокшо чай дене шокшо вашлиймаш мемнам вучыш. Корныштышто лийме годым мо вара артистлан кӱлеш?

Тыгак концерт мучко ӧрын гына вӱдаш логале. Шеҥгелне ик радамыште пӧръеҥ –шамыч улыт ыле.

Умбакыже рульнам Татарстан кундемышке пӱтырална. Корно пеш иян ыле. Сандене нигуш вашкыде Балтач районышто верланыше  Улисьялышке толын шуна. Вараш кодын толна гынат, калык вучен шуктен. Вара кажне номерлан шокшо кидсовышым пӧлеклен. Но мыйым тыште икте ӧрыктарыш да кугешнаш таратыктыш. Самырык ӱдыр-рвезе-влак концертыш ончаш толыныт. Шеҥгелне лач нуно шинчылтыч.

Молан  ӧрымже? Вет тидыже фольклор концерт. Самырык-влакын концерт толмышт изиш ӧрыктарыш, но варажым эшеат шинчам караш логале. Концерт пытымеке самырык ӱдыр-рвезе-влак лӱддӧ вожылде гармонь почеш мурен куштышт. Вот теве тиде чылт чапле пример деч чапле пример.

Тек марий калык умбакыжат тыгяк чолга да чулым лийын кодеш. А Уржум паледа, тораште огыл верланен.

 

Реклама