MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/
1Рейтинг:   / 3
НачарынПеш сай 

Книга – айдемын поро йолташыже. Тудым лудын, кажныже шканже пайдам налын кертеш. Но таче книгам кучен шинчыше ӱдыр-рвезым моткоч шуэн ужына. ХХI курым технологий дене ончыко каен. Сандене шукын, книгам ӧрдыжкӧ пыштен, компьютер але телевизор ончылно шинчыт. Туге гынат книгам лудаш тыршыман, пайдалыкше кугу:

Книгам лудын, шуко шомакым шарнен кодыда. Тӱрлӧ жанран произведенийым лудмеке, тыглай кутырымаште кучылдымо шомак-влак дене тӱкнен кертыда. Иктаж шомак тыланда палыдымыла чучеш гын, мутерыште кычалде кертыда. Южгунам терминын мом ончыктымыжым содержаний гыч умылаш лиеш. Книгам лудмо грамотный лияш полша.

Еҥ-влак дене мутланаш полша. Книгам лудын сайын кутыраш, шке шонымашым раш, яндарын да сылнын ойлен мошташ туныкта. Класссический произведенийым шуко лудын, варажым шке шонымашдам каласкален мошташ тӱҥалыда.

Шке вийлан ӱшанымаш ешаралтеш.

Тыматле лияш тунемыда.

Мутын поянлыкше да ритмикыже психикым лыпландара. Поснак малыме деч ончыч чӱчкыдын лудмо полшен кертеш.

Ушым вияҥда. Лудмо годым произведенийым умылаш манын, шуко шарнаш кӱлеш. Тиде ушым да логикым тренировлаш полша.

Альцгеймер чер деч арала.

Эре самырык кодаш полша.

Усталык шӱлышым пурта. Произведенийым лудын, шуко идейым илышыш шыҥдарен кертыда.

Сайын малаш тӱҥалыда. Малыме деч ончыч эре лудыда гын, организм тидлан тунемеш. Тунам лудмо паша организмлан сигнал семын мала вочмым шижтараш тӱҥалеш.

Тӱткӧ лияш тунемыда. Лудмо годым содержанийым шарнен кодаш тыршыман. Тидыме вес сомылым шуктымо годымат пайдам конден кертеш.