MARISONG.RU

1. - Витя, Мланде кушеч лийын, палет?
   — Нигушеч лийын огыл. Тудын йырже вӱд.
   — А вӱдшӧ кушеч лектын?
   — Тидымат от пале? Кызытат мланде кӧргӧ гыч йоген лектеш. От ӱшане гын, памаш коремыш волен ончал.
2. Туныктышо рвезе деч йодеш:
   — Витя, тый Олюкмытын уремыште илет вет?
   — Уке, Олюк шкеже мемнан уремыште ила,— вашешта Витя.
3. Шыже кечын Сергей ден аваже пошкудо ялыш коваж деке унала миеныт. Кум меҥге уштышым йолын ошкылыт.
   — Эргым, шыч кылме? — аваже чаманен йодеш.
   — Уке,— вашешта эрге.— Чытырем веле.
4. Кум ияш Марина йочасадыште воспитательницын ший пӱйжым ужынат, йодылда:
   — Марья Ивановна, а кунам мыйынат ший пӱй кушкеш?
5. Кум ияш руш ӱдыр, Таня, садикыш марий йоча-влак дене пырля коштеш. Воспитательница йодеш:
   — Танюша, кайыкым рушла кузе маныт?
   — Кайыкка! — ӧрын шогыде вашешта ӱдыр.
6. Аваж ден эргыже кугорнысо остановкышто шогат.
   — Автобусшо алят ок тол, ынде кузе каена? — азаплана ава.
   — Автобусшо уке гын, топтобус денат йӧра, – ышталешг йоча.
   — Йолын?
   — Йолын огыл, топ-топ каена!

Лидия Семенова ямдылен. «Ямде лий» газет редакций