MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/
1Рейтинг:   / 2
ПлохоОтлично 

Калыкна акрет годсек ойлен:

Арака логарышке мурен пура,

Йолтаганышке шумеш капет ыра,

Руштмекет, тушманетат моктен мура…

  Василий Регеж-Горохов

 

Калыкна эше тыгайымат ойлен:

Арака сӧснаш айдемым савыра,

Арака чара кодмешке йождара,

Арака саҥгат гыч чӧгыт ден кыра.

  Василий Регеж-Горохов

 

Шочмо да кушмо кугезе илем

Тек лиеш юмын пусак марийлан.

Мӱкш ешла порын, моторын илен,

Ош марият куана кечылан.

  Василий Регеж-Горохов

 

Арака лиеш гын

Ешан вуй,

Илыш тиде ешын

Лиеш туй.

  Василий Регеж-Горохов

 

«Ленфильм», «Мосфильм»,

«Мафильм», «Азфильм»…

Кунам ала

Лиеш «Марфильм»

  Василий Регеж-Горохов

 

«Шортын толешат, мурен кая»,  -

Калыкна окса нерген ойла.

Мый шонем: шоҥгемын ты ойна?

Южын – модын толешат, нюслен кия!

  Василий Регеж-Горохов

 

Пиал нерген ме шортына,

Тудлан пыжашым оптена,

А тудо кайык гай улмаш:

Торжам шижмек,

Вашка шылаш.

  Василий Регеж-Горохов

 

Южгунам ӧрам мый пиемлан:

Мыйым ужын, куана туге,

Ушыжо кая, шонет, коклан…

Лишыл еҥ огеш вашлий тыге!

  Василий Регеж-Горохов

 

Чехов годым веле, шонеда,

Шуйыштӧ шинченыт Анна-влак!

Очыни, тачат вашлийыда

Нуным ожно годсыла лыҥак.

  Василий Регеж-Горохов

 

Ача-авам изи йоча

Ок колыштат,

Милиций пашаеҥ ден тудым лӱдыктат,

А, чынжым, кӱлын

Лӱдыкташ тыге, векат:

«От колышт гын,

Тыят мемнан гаяк лият!»

  Василий Регеж-Горохов

 

«Шыжвазар», Кугече, Семык,

Шорыкйол да Ӱярня –

Кажныже йоҥга мур семын!

Меак нуным монденна.

  Василий Регеж-Горохов

 

Родем, тый ит куане,

Ит моктане,

Сеҥет гын пошкудетым вурседал:

Тыгодым тудым

Тый шижде пуштатыс,

Кеч лӱмнеретым

Кодынет саклал

  Василий Регеж-Горохов