MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/
1Рейтинг:   / 1
ПлохоОтлично 

Пошкырт вел Мишкан район Ардаш ял гыч Марий Элышке калык лӱмым нумалше куштышо да мурышо «Акарт» ансамбль толын кайыш. Пеш сай йӧн лие шкеныштым ончыкташ, Марий Элым ончал каяш да весе-влак кузе пашам ыштат ончалаш. Вет лач весе-влакым ужын, таҥастарен, шкендычым кумылаҥден кушкаш йӧн уло.

Марий кундемышке толашлан кугу пашам вуйлатышыже Хамитов Владимир Ильич шуктен. Палемдыман тыштат нуным уло кумылын вученыт. Вес пеҥгыде кыл нунын шукерсек тысе вел дене уло. Владимир Ильичын Галина пелашыже Оршанке район Кугунур велым. Малаш, илаш, каналташ латкок еҥан коллективлан чыла йӧн лийын.

Кок кече ансамбльлан пеш чот пӱжалташ логале. 24 февральыште кечывал жапыште Марий Эл радиошто муро-влакышт йоҥгышт манын запись ышташ логале. Кас велеш кок вере концертым ончыктышт. Тиде Оршанке район Марково ден Пуял яллаште. Калык шукын погынен ыле. Эрлашыжым 25 февральыште Марий тӱвыра рӱдерын эртарыме «Ӱярня» пайремыште выступатлышт, вараже кас велеш «Мари-Рекордс» продюсер рӱдерын эртарыме «Эй, гармоньчо, куштымо семым!» концерт программыште калыкым куандарышт. А кузе нуным калык вашлие. Чот ӧрыктарен да кумылаҥден кодышт.

Ӱшанена коллектив эше мемнан велыш Марий кундемыш кугу концерт денат толеш. А чынжым гын тидын нерген кутырымаш лийын. Вучена. Умбакыже изирак фоторепортажым да видео-влакым ончен кертыда.