MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/
1Рейтинг:   / 1
ПлохоОтлично 

Тиде муро фестиваль-конкурс кумдан палыме марий композитор  Дмитрий Кульшетовын усталык пашажлан пӧлеклалтше улеш. Тудо  9-ше гана эртыш.

Виче кундем Уржум район Поса села (Киров область Уржум район Байса села)  пайремым уло кумылын вуча да эртара. Вет сылнысем мастар лач тыште шочын кушкын да кумда тӱнялан палыме лийын.  

Тиде ганат кугу уна, участник-влакым кинде шинчал дене вашлийын, тӱвыра пӧртышкӧ ӱжыч. А тушто эн тӱҥжӧ муро лие. Сцене гоч Д. Кульшетовын, автор да калык муро-влак йоҥгалтыч. Мурызо да коллектив-влакым аклыше-влакат лийыныт. Участник-влак Уржум районын тӱрлӧ кундемлаже да Марий Эл республике гыч лийыныт. Мари-Турек поселокын «Марий сем» да Сысоево велым «Савак кундем» ансамбль пеш чаплын шкеныштым ончыктышт. Лауреат  да дипломант радамыште лийыч.

Конкурсым мучашлымеке Дмитрий Кульшетовын  эргыже Россий Федерацийысе тӱвыран сулло деятельже Валерий Кульшетов, Марий Элын сулло артистше Анатолий Зарецких, палыме мурызо Олык Ипай лӱмеш кугыжаныш премийын лауреатше Роза Искакова  чыла участник дене мутланен нальыч. Мом ышташ кӱлеш манын ойлышт да  экшыкыштым эскерен палемдышт да кузе тӧрлаташ кӱлеш ойлен кодышт.  Пеш ямле мутланыш эртыш.

Вес ийын юбилейный 10-шо фестиваль конкурсым вучаш тӱҥалына.