MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/
1Рейтинг:   / 2
ПлохоОтлично 

 Тений адак корнем Мишканышке такыртышым. Тушто 17 июньышто Сабантуй пайрем эртыш. «Сайвер» марий вургемым ургышо ателье дене мый, марий диск-влакым, книгам да марий футболко-влакым ужалаш намиен улына. Миен шумек Ленинский ялыш унала пурышна. Пурымо годым икте палдырныш. Пеш чот йӱр тыште эртен. Корно тазыл-тазыл ыле. Оза-влакат, пытартыш кечылаште йӱр да йӱр йӱреш, манын каласышт. Эрдене пайрем эртарыме верышке тольна гын, шинчам карышна. Верын-верын ночко да эше лавыраже пеш тазыла. Тушто шем мланде, сандене чыла вереже пурен шогалашат ок лий ыле. Тошто шогалме верыштына гын вӱд шоген.

Кукшырак верым муын шогална. Пайрем гын каласыман пеш сай тӱҥале да икмыняр жап моторын кайыш. Пеш оҥай ыле  тӱрлӧ верыште пашам ыштыше да спорт дене кылым  кучышо-влакым ончаш. Нуно шке коллективышт дене колонно дене эртышт. Мланде пашаеҥ-влакымат огыт монда да палемденак шогат. Тидат куандара. Тӱрлӧ коллектив-влак шке мастарлыкышт ончыктышт. Икманаш пайрем шижмашым чыла вере шыҥдарен кертыныт.

Но.. тӱҥалтышыште возенам вет, «икте прогул» деч посна коштеш. Пайремым изиш гына мучашлен ышт шукто. Пыл трук погынаш тӱҥале, калык шаланен кайыш да йӱр оптале. Кӱдырчӧ мӱгырен нале. Мланде гын вӱд дене ташлыш. Тыняр кече почела йӱржӧ йогымек мланде «йӱын» ок сеҥе. Поген шындыме арвер йымакат йӱр пурыш. Мландыже палдаренам ыле вет, пеш шемалге. Погымо годым лавырам чот нӧштылна. Тенийсе Мишканыште Сабантуй мыланна тидын дене чотрак шарнымашеш кодо. Макар коча манмыла, йӱр мемнам дене кажне кечын лиеда, ик кечат прогулым ок ыште. Калыкын гын пайрем кумылжо суртышто озаланаш тӱҥале. Гармонь да муро йӱк-влак икте да вес вере йӧҥгалташ тӱҥальыч.