MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/
1Рейтинг:   / 3
ПлохоОтлично 

Пошкырт велыш коштмо годым чынак мый куанен да кӧранен тольым.

Кок куштымаш пайремыште лияш логале. Иктыже Россий кӱкшытыштӧ эртыше Калтаса селаште  «Ший кандра» фестиваль. Весыже Мишкан район Пӱнчер (Сосновка) ял воктене мотор пӱртӱсыште  «Кушталташ йодеш чонемже» район кумдыкышто лийше  марий куштымаш пайрем.

Мо дене тиде фестиваль-влак ойыртемалтыт. Тыште лач марла куштымаш гына кая. Чынжым гын пошкырт велыште уло кандыра пунен куштымашым тӱрлӧ ойыртемже ончыкталтеш. Тыште тыгак куштышо да балемейстер-постановщик-влакын шындымыштым акленыт.

Фестивальыште улмо годым шонкалымаш-влак тольыч.

Марий улат гын тый куштен моштышаш улат. Огына каласе чаплын, сайын. Эн тӱҥже семым колын вожылде тавалташ да марий чон улмым ончыкташ кӱлеш. Ме союз жапыште да кызытат куштымаш деч вожылаш тӱҥалын улына да вожылына. А вет тӱжем ий дене марийын чонжо тыште пеҥгыдемын да куатым поген. Ончылно куштымаште самырык ӱдыр-каче-влак лийыныт. Нуно йоргаланен, пеҥгыдырак тошкалын, койышланен шке мастарлыкшытым ончыкташ тыршеныт.  Шоҥгырак-влак пушкыдырак да ласкаракын куштеныт. Но содыки чыланат куштымо годым самырык-влак шекланен онченыт. Чыланат умылат, тиде вий,  куат да  ончыкылык.

2017 ийыште «Ший кандра» фестиваль 2 июньышто эртен

Мишкан район Пӱнчер (Сосновка) ял воктене эртыше «Кушталташ йодеш чонемже»фестиваль 

11 июньышто лийын

Таче изирак куштымо фестиваль-влак гыч фоторепортаж-влакым темлем.