MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/

у ий дене!!! Реклама

 

1Рейтинг:   / 5
ПлохоОтлично 

Пошкырт велыште лийме жапыште Илиш район Красный Октябрь ялын пайремже лиеш манын  пален нална. Тиде уверым да  пеш чот ямдылалт манын Башкирийыште лекше «Чолман» газетын тӱҥ редакторжо Игорь Губаев каласыш. Пайремым эртараш 12 июньышто палемденыт.

Кузе тушко каяш да кӧ деке пураш йодыш ик татлан гына лие. Тудо кундем гычак «Сайвер» ательеште пырля пашам ыштыше Светлана Давлетшиновна уло манын,

Валентина Ивановна каласыш. Тудо ательен тӱҥ бухгалтерже. Илиш районын ӱдыржӧ дене пыря коло ий утла ыштат.  Кудалме татыштак кушко пураш да малаш манын кутырен келшышна. Дюртюлийыште пеш чаплын Матвей Давлетшинович  ешыж дене кугу уна семын вашлийыч. Мончашке пуртен, пукшен-йӱктен, малаш пыштышт.

Палемден кодынем ыле тиде кундем гыч кок палыме мурызо-влак улыт. Тиде Татьяна Умурбаева да Роман Мусагитов. Нуно Илиш район Анач ялын шочшышт улыт.

 Эрдене шонымашна, витле меҥге тора мо,  Красный Октябрь ялышке кондыш. Миен шогална гын ямдылалтмаш пеш чот палдырныш. Меат шке толмына дене калыкым ӧрыктарышна. Ик ковай толын тыгеракат ойлыш.  «Шымле ий илем, но  тынар шуко марий книгам тидын марте ужын омыл». Марий вургем палаткат шуко еҥым шогалын ончен каяш таратыктышт.

Пайрем организатор-влак муралтен кушталташат, пырля ӱстертӧрыш шинчын мутым вашталташат чыла ыштынет. А самбар чайже-е-е-е, тудо эре тамле. Фотовыставкат ойыртемалтше да ӧрыктарыше ыле. Ик  жап гыч толшо шыжа йӱр кумылым волтыш. Но каласыман, изиш да кӱчык татлан веле. Калык нигушкат ыш кае. Шыжа йӱр вошт шогышт, мурышт куштышт. А варарак йӱржат пытыш, кечат лекте.

 Пайремым мучашлымеке пайрем ыш пыте. Тыште-тушто школым пырля тунем пытарыше-влакын вашлиймашышт умбакыже шуйныш. Шукынжо пырля погынен  пайремым суртлашке шуяш кайышт. Ик жап гыч гармонь йӱк, музыко сем тыште да тушто солнаш тӱҥале.  Красный Октябрь  ял шке шулдыржо йымаке,  помышышкыжо,  чыве игыжым поген шындыме семын, шочшыжо-влакым авалтыш.