MARISONG.RU

Муро, муро тый от лий гын...

/** *
*
* * * * * * * * * * * * * * *
Get Adobe Flash player
* *
* *
*
*
*/
Рейтинг:   / 1

  Сылне пайрем дене шокшын-шокшын саламлем. Лий пиа­лан, весела кумылан, таза шӱлышан да тыгаяк поро, шыма акай да мариетлан пелаш. Куане, пелед, моторешт.

Рейтинг:   / 3

  Тыланена эҥерысе кол гай модын, вараксим гай вычыматен илаш. Пиалан кечыйол чурийдам шыматыже, ӱмырда шуйналт вочшо эҥер гай кужу-кужу лийже.

Рейтинг:   / 1

  Тыланена ош лум гай яндар кумылым. Шӱм-чонышкет поран ынже пуро, ныжыл кумылет памаш вӱдла эре йоргыктен йогыжо.

Рейтинг:   / 1

  Уло шӱм-чон дене тыланена кужу ӱмырым илаш, пашаште сеҥымашке шуаш, пиалан еш илышым, пеҥгыде тазалыкым…

Рейтинг:   / 1

  Пелед шогалше ош ломбо пеледыш гай ныжылге кап-кылан, чевер снеге гай чуриян йӧратыме пелашем. Мотор чуриетым куан тул эре волгалтарен шогыжо, пиалет леҥеж тӱр гоч ташлен лекше. Тек илышет вӱд гай яндар, мланде гай поян лиеш.

Рейтинг:   / 1

  Тыланена шурнан пасу гай поян, пеледышан олык гай че­чен, эр лупс гай яндар илышым, шӱшпык гай весела кумы­лым, пелед шогалше олмапу садвече гай чон моторлыкым…

Рейтинг:   / 2

  Ковай, чоныштет ош ландыш пеледалтше, кумылет эре шошо кече гай лийже, шоҥго могырет лыве гай куштылго, вуй ӱмбалнет эн сото канде кава лийже.

Рейтинг:   / 1

  Йӧратыме ӱдырамаш-влак, саламлена тендам 8 март пай­рем дене да тыланен кодына нимучащдыме ласка илыш кор­ным, кумда нурла шарлен вочшо кугу пиалым, кӱ курык гай пеҥгыде тазалыкым, вуй ӱмбалне шӱшпык сем дене темше канде кавам, чон ласкалыкым да весела пӱрымашым. Тек пай­рем кечыда эрелан ушешда кодеш.

Рейтинг:   / 1

  Чыла тӱҥалын ӱдырамаш деч. Мемнан ныжылге авайна, пагалыме ковайна, шочмо ака-шӱжарна, йӧратыме пелашна-влак, изи падырашна-влак, чӱчӱньӧ, кокай-влак! Мыняре шукын те улыда! 8 Мартым тыланда волгыдо, яндар, тыматле пайремыш савыраш тыршена. Тек ончыкшым илышдам кечан ош кече, чевер-ал ӱжара, лыжга лай мардеж, яндар памаш шинча да сылне марий муро курымеш волгалтарен шогат.

Рейтинг:   / 1

  Акаланна, шӱжарланна йолгорно гай ӱмырым, писте гай пушкыдо кумылым, тумо гай пеҥгыде тазалыкым, чурийыштыда пайрем тӱсым, янда гай яндар кавам тыланена.

Рейтинг:   / 1

Эрдене кынелам, пожалтын,

Тыйым ӧндалам — чонем ыра.

Да пуйто мый каваш нӧлталтым,

А чон туге шӱшка, мура!

Тыйын поро, шокшо шомакетше

Мылам ласкалыкым конда.

Лыжган ончалын воштылметше

Шӱм-чон куаным шочыкта.

Иӧратымем! Март пайрем дене!

Лий пиалан, ныжылге да поро,

Эртак тый лий мемнан пелен гына.