MARISONG.RU

Илышыште мо сай уло,

Лийже тыланда чыла.

Талгыдыла тольо, чулым,

Таче витльым темеда.

50 ий!

Илышетын вес пел курымыштыжо

Тыйым эре сылне, поро кумыл веле

Авалтенак шогыжо.

Ӱмырет лийже пиалан.

Кумда, ямле илыш корным

Юмо пуыжо эрелан.

Кажне ийже шергакан —

Эрталеш вет ӱмырнат,

20-ат, 30-ат огыл таче,

Таче 50 ий тылат.

Эше иле лач тунарак.

Таза лийже курымет,

Темже чес ден сурт-печет!

Ий ден ий эртат пеш писын,

Кеҥеж, шыже, телыжат…

Да кузе кучаш лиеш гын

Нунын куржмыштым ала?

50 ий шиждегеч тольо,

Модын-воштыл веселан.

Мом ыштет, жапна ок шого,

Мландына пӧрдеш виян.

Но ида ойгане, тудо,

Илыш, вет тугай мемнан.

Тудынат законжо уло,

А законлан тунемман.

50 ий ден, юбилей ден

Шокшын ме саламлена.

Иле, авай, куаналын,

Таза лий тый пеленна.

Ит ойгане, ӱпет чалемеш гын,

Йогын семын ийгот эрталеш.

Пӱрымаш деч иктат огеш утло, —

Чонеш пале кышам шавалеш.

Тек пиал шӱдыр йӱла ӱмбалнет,

Тек таза шӱлыш лиеш чоныштет.

Тек кажне кече оҥайын эрта,

Лачак куаным веле конда!